بازتاب نیوز

سیند ته د افغان کډوالو غورځولو پېښې د څېړلو لپاره د ایران یو پلاوی نن کابل ته راځي

٦ غبرګولی ١٣٩٩ سلام وطندار

ټاکل شوې د ایراني ځواکونو له لوري سیند ته د افغان کډوالو د اچولو پېښې څېړلو لپاره د ایران یو ډيپلوماټیک پلاوی نن کابل ته راشي.

ایراني رسنیو راپور ورکړی چې د ایران د حقوقي چارو مرستیال محسن بهاروند، د بهرنیو چارو وزیر دستیار او د دغه هېواد د پولو چارو یو استازی د دغه پلاوي غړي دي.

د افغانستان د بهرنیو چارو وزارت یوه اوونۍ وړاندې اعلان وکړ چې د افغانستان او ایران د پولې کمیساران سیند ته د افغان کډوالو د اچولو پېښې په اړه د ۱۳۳۵ هوکړه‌لیک پر بنسټ خپلې څېړنې کړي، خو ایراني کمیسارانو دغه سندونه نه دي منلي.

افغان کمیسارانو د ګډې پولې اړوند هوکړه‌لیک له مخې، د څېړنې پایله له ډیملوماټیکو مراجعو سره شریک کړي دي.

یاد وزارت ویلي و چې ایران د دغې پېښې د څېړلو لپاره یو ډیپلوماټیک پلاوی ټاکلی، څو له افغان پلاوي سره ګډې څېړنې وکړي.

سږ کال د ثور میاشتې په دیارلسمه نېټه نږدې ۵۰ افغان کډوال چې د کار لپاره د هرات له لارې ایران ته ننوتلي وو، د ایراني ځواکونو له لوري ونیول شول او له شکنجې وروسته یې اوبو ته ور واچول. اوس چې نږدې یوه میاشتې تېرېږي، ایران تر اوسه نه ده منلې چې یاد کډوال د ایراني ځواکونو له لوري سیند غورځول شوي دي.

د افغان پلاوي مشر محمدحمید طهماسي تېره اوونۍ ویلي و چې د دوی د څېړنو او موندنو له مخې، ۴۶ افغانان د ایران خاورې ته داخل شوي وو چې له ډلې نه یې ۱۲ هغه مړه، ۱۷ ورک او ۱۷ نور ژغورل شوي دي.

اصلي اړیکې: https://swn.af/pashto/Article.aspx?a=55285

د اصلي پاڼې خلاصول

سلام وطندار په اړه نور ولولئ

وروستي خبرونه:

Loading

Warning: Unknown: write failed: Disk quota exceeded (122) in Unknown on line 0

Warning: Unknown: Failed to write session data (files). Please verify that the current setting of session.save_path is correct (/tmp) in Unknown on line 0