بازتاب نیوز

ملي امنیت شورا: شاوخوا ۹۰۰ طالبان بندیان نن خوشې کېږي

٦ غبرګولی ١٣٩٩ سلام وطندار

ملي امنیت شورا اعلان کړی چې شاوخوا ۹۰۰ طالبان بندیان به د نن ورځې تر پایه د حکومت له بنده خوشې شي.

د ملي امنیت شورا ویاند جاوېد فیصل په یوه ټویټ کې لیکلي، افغان حکومت د سولې هڅو د بریا، د اوربند دوام او بین‌الافغاني خبرو اترو د پیل لپاره شاوخوا ۹۰۰ طالب بندیان خوشې کوي.

د طالب بندیانو د خوشې کولو لړۍ د وري میاشتې په شلمه نېټه د حکومت له لوري پیل او تر اوسه د دې ډلې ۱۱۰۰ بندیان خوشې شوي او دا لومړی ځل دی چې په دومره شمېر طالب بندیان له بنده خوشې کېږي.

د امریکا او طالبانو ترمنځ د سولې هوکړه‌لیک پر بنسټ باید ۵ زره طالب بندیان د حکومت او ۱۰۰۰ هم د طالبانو له بنده خوشې شي.

طالبانو تر اوسه ۲۵۰ د حکومت بندیان خوشې کړي، خو حکومت د ۱۷۰ هغو هویت تایید کړی دی.

ټاکل شوې چې د بندیانو د خوشې کولو لړۍ له بشپړولو وروسته د افغان حکومت او طالبانو ترمنځ مخامخ خبرې پیل شي.

ولسمشر محمداشرف غني دوه ورځې وړاند؛ې د ۲ زرو طالب بندیانو د خوشې کولو فرمان صادر کړ. ولسمشرۍ ماڼۍ د دغه کار موخه د طالبانو له لوري د درې ورځني اوربند کولو لپاره د ښه نیت ښودل بللي دي.

طالبانو د حکومت د دغه اقدام هرکلی کړی، خو ویلي یې دي چې باید د دې ډلې ۵ زره بندیان خوشې شي.

اصلي اړیکې: https://swn.af/pashto/Article.aspx?a=55283

د اصلي پاڼې خلاصول

سلام وطندار په اړه نور ولولئ

وروستي خبرونه:

Loading

Warning: Unknown: write failed: Disk quota exceeded (122) in Unknown on line 0

Warning: Unknown: Failed to write session data (files). Please verify that the current setting of session.save_path is correct (/tmp) in Unknown on line 0