بازتاب نیوز

طالبانو سره بندي سرتېری له لوږې مړ شو

١١ غبرګولی ١٣٩٩ سلام وطندار

نذرالله له اختر يوه اوونۍ  وړاندې د کندوز – خان‌اباد لويه لار لودي سيمه کې د طالبانو له لوري برمته او د اختر په دويمه ورځ د افغان حکومت او طالبانو ترمنځ د هوکړې له مخې خوشې کېږي.

د نذرالله د کورنۍ په وينا، نوموړی هغه مهال طالبان برمته کوي چې کله کندوز ښار ته درملنې لپاره روان و. طالبان ناروغ نذرالله يوه اوونۍ له ځان سره ساتي او د ډېرې ناتوانۍ له کبله مړ کېږي.

د نذرالله ورور صبغت‌الله چې د ورور د مړينې په اړه وايي، دردوونکې ده. صبغت‌الله  چې اصلي د بدخشان  د کشم ولسوالۍ اوسېدونکی دی وايي،  ورور يې د اختر د رخصتيو لپاره چې کور کې يې تېرې کړي، راغلی و چې ناروغ شو او بيا يې د سفر هڅه وکړه چې د طالبانو لاس ته ولوېد.

 د صبغت الله په وينا، طالبانو نذرالله يوه اوونۍ پوره شکنجه کړ او نه يې ډوډۍ ورکوله او نه هم اوبه.

نوموړی وايي، د اختر په دويمه ورځ يې ټلفوني اړيکه ترلاسه کړه چې ورته وويل شول ورور يې خوشې کېږي او چې کله يې تسليمي لپاره ورځي، لاسونه او پښې په زنځيرونو تړل شوي او د ژوند په کې يوازې ساه وه او بس. صبغت الله وويل، د نذرالله ټول بدن د ډېرې شکنجې له کبله تور اوښتی و او ژوندي پاتېدو لپاره يې هیله نه وه موجوده.

کندوز کې د بشر د حقونو د خپلواک کميسيون د ځايي دفتر رييس سید حفیظ‌الله فطرت د طالبانو له لوري د امنيتي ځواکونو شکجنه بشري جنايت ګڼي او وايي چې د جګړې ښکېل لوري دې له نيول شويو کسانو سره انساني چلند وکړي.

طالبانو تر اوسه پورې په دې اړه څه نه دي ويلي.

اصلي اړیکې: https://swn.af/pashto/Article.aspx?a=55370

د اصلي پاڼې خلاصول

سلام وطندار په اړه نور ولولئ

وروستي خبرونه:

Loading

Warning: Unknown: write failed: Disk quota exceeded (122) in Unknown on line 0

Warning: Unknown: Failed to write session data (files). Please verify that the current setting of session.save_path is correct (/tmp) in Unknown on line 0