بازتاب نیوز

طالبانو بدخشان کې ۴ ملکي کسان وژلي

١٢ غبرګولی ١٣٩٩ سلام وطندار

د بدخشان ارغنج‌خواه ولسوالۍ کې يوه دولتي سرچينه چې نه غواړي نوم يې خپور شي سلام‌وطندار ته وويل، طالبانو په دې ولايت کې ۴ ملکي کسان وژلي دي.

د سرچينې په وينا، دا پېښه تېره شپه د يادې ولسوالۍ «دواب» سيمه کې شوې ده او ياد ملکي کسان د دوه کورنيو غړي دي.

د بدخشان د امنيې قومندانۍ ویاند ثناالله روحاني د ملکي کسانو وژل تاييدوي خو د يادې پېښې د عاملانو د هويت په اړه څه نه وايي.

روحاني زياتوي چې د پېښې د عاملانو د نيولو په اړه يې څېړنې پيل کړې دي.

ارغنج‌خواه ولسوالۍ کې سرچينې وايي، له څه مودې راهيسې په دې ولسوالۍ کې څو قومي مشران او ديني عالمان وژل شوي دي خو امنيتي مسوولانو يې تراوسه د مخنيوي په اړه ګام نه دی پورته کړی.

په ورته وخت کې د بدخشان د والي وياند نېک‌محمد نظري هم د ياد خبر په تاييد سره وايي چې ځايي اداره په کمو امکاناتو سره نه شي کولای د سيمې د اوسېدونکيو ټولو غوښتنو ته رسيدګي وکړي.

طالبانو تر اوسه پورې په دې اړه رسنيو ته څه نه دي ويلي.

اصلي اړیکې: https://swn.af/pashto/Article.aspx?a=55397

د اصلي پاڼې خلاصول

سلام وطندار په اړه نور ولولئ

وروستي خبرونه:

Loading

Warning: Unknown: write failed: Disk quota exceeded (122) in Unknown on line 0

Warning: Unknown: Failed to write session data (files). Please verify that the current setting of session.save_path is correct (/tmp) in Unknown on line 0