بازتاب نیوز

څه باندې ۵۶۰۰ تنه، د نشه یي توکو د قاچاق په تور نیول شوي دي

٩ چنګاښ ١٣٩٩ د حکومت د اطلاعاتو او رسنیو مرکز

کابل، افغانستان: د کورنیو چارو وزارت له نشه یي توکو سره د مبارزې پولیسو، په ټول هېواد کې ۵۶۲۰ تنه، د نشه یي توکو د قاچاق په تور نیولي دي.
له نشه یي توکو سره د مبارزې مرستیال، محمد هاشم اورقاق، چې د حکومت د اطلاعاتو او رسنیو په مرکز کې یې له نشه یي توکو سره د مبارزې د نړیوالې ورځې په مناسبت، یوه خبري کنفرانس کې خبرې کولې، زیاته کړه: له نشه یي توکو سره د مبارزې پولیسو، د ۲۰۱۹ زېږدیز کال له پیل څخه تر دې مهاله؛ د هېواد په کچه د نشه یي توکو د قاچاق وړونکو پر ضد، ۴۸۳۳ عملیات تر سره کړي دي.
هغه وویل، چې د نیول شویو کسانو په ډله کې د عامه خدمتونو ۸۹ تنه کارکوونکي او ۹ تنه بهرني وګړي هم شامل دي.
اورتاق زیاته کړه، چې له نشه یي توکو سره د مبارزې ځواکونو ۲۷ تنه، د نشه یي توکو له قاچاق وړونکو سره په نښته کې په شهادت رسېدلي او ۷۹ تنه نور یې ټپیان شوي دي.
دغه راز هغه وویل، چې د عملیاتو په پایله کې د قاچاق وړونکو د نیولو تر څنګ، په ټولیز ډول ۱۲۷۰ ټنه بېلابېل نشه یي توکي کشف او ضبط شوي، د میټ امفیټامین د یوې تولیدي کارخونې په ګډون؛ د نشه یي توکو ۱۰۵ لابراتوارونه تخریب شوي او همدارنګه د دښمن په سیمو کې د نشه یي توکو ۳ زېرمتونونه تر پېژندنې وروسته له منځه وړل شوي دي.
###

اصلي اړیکې: http://www.gmic.gov.af/pashto/press-releases2/3231-2020-06-29-09-08-32

د اصلي پاڼې خلاصول

د حکومت د اطلاعاتو او رسنیو مرکز په اړه نور ولولئ

وروستي خبرونه:

Loading