بازتاب نیوز

د طالبانو سیاسي دفتر د ایران او امریکا له چارواکو سره جلا خبرې کړي

١٠ چنګاښ ١٣٩٩ خبر تلویزیون یک

قطر کې د طالبانو سیاسي مرستیال او د سیاسي دفتر مشر، ملا برادر د امریکا او ایران له چارواکو سره جلا خبرې کړي دي.

د طالبانو سیاسي ویاند، سهیل شاهین په خپله ټویټر پاڼه کې لیکلي چې ملا برادر اخند او ورسره پلاوي یې پرون دوشنبه د امریکا د بهرنیو چارو وزیر، مایک پمپیو سره د ویډیوکنفرانس له لارې خبرې کړي دي.

شاهین ویلي پدې ویډیویي تماس کې د دوحې د توافقنامې په تطبیق او له افغانستانه د بهرنیو عسکرو په وتلو خبرې شوي دي.

د ده په وینا د امریکا د بهرنیو چارو وزیر منلې چې طالبانو پر ښارونو او پوځي مرکزونو برید نه کولو سره، د تاوتریخوالي کچه ټیټه کړې ده.

طالب پلاوي همداشان په قطر کې د ایران له ځانګړي استازي محمد ابراهیم طاهریان سره هم مخامخ خبرې کړي دي.

سهیل شاهین ویلي دواړو خواوو په ایران کې د افغان مهاجرینو په ستونزو، سرحدي مسائلو، د افغانانو په مشرۍ او مالکیت بین الافغاني خبرو او د افغانستان په روان وضعیت خبرې وکړې.

د شاهین په وینا ملا برادر له ایراني لوري غوښتي چې په ایران کې افغان مهاجرینو سره د اسلامي ورورګلوۍ تعامل وشي.

دا په داسې حال کې دي چې ویل کیږي په روانه جولای میاشت کې د افغانانو ترمنځ د سولې خپلمنځي خبرې په قطر کې شروع کیږي.

له دې سره جوخت طالبانو افغانستان کې پر پوځي هدفونو بریدونه هم ترپخوا زیات کړي دي.

شنونکي وایي د جګړو دا شدت د دې لپاره دي چې دوی غواړي د سولې خبرو کې زیات امتیازات ترلاسه کړي.

بله خوا، افغان سولې لپاره د امریکا ځانګړي استازي، زلمي خلیلزاد هم د قطر، پاکستان و اوزبیکستان په موخه سفر پیل کړی دی.

خو دیخوا، د افغانستان په دولت کې تر اوسه د سولې او بین الافغاني خبرو لپاره کوم د پام وړ اقدام نه دی شوی.

اصلي اړیکې: http://www.1tvnews.af/ps/news/afghanistan/42391-2020-06-30-04-05-46

د اصلي پاڼې خلاصول

خبر تلویزیون یک په اړه نور ولولئ

وروستي خبرونه:

Loading

Warning: Unknown: write failed: Disk quota exceeded (122) in Unknown on line 0

Warning: Unknown: Failed to write session data (files). Please verify that the current setting of session.save_path is correct (/tmp) in Unknown on line 0