بازتاب نیوز

پنټاګون وایي تر اوسه نه ده ثابته چې روسیې دې طالبانو ته امریکایي سرتیرو وژلو لپاره پیسې ورکړي وي

١٠ چنګاښ ١٣٩٩ خبر تلویزیون یک

د امریکا دفاع وزارت یا پنټاګون ویلي تر اوسه دا نه ده ثابته شوې چې روسیې دې افغانستان کې د امریکایي سرتیري وژلو لپاره طالبانو ته پیسې ورکړي وي.

پنټاګون په یوه اعلامیه کې ویلي دوی د هغو معلوماتو ارزونې ته دوام ورکوي چې کني د روسیې استخبارات افغانستان کې د امریکا او ایتلافي ځواکونو د بد غوښتنې فعالیتونه کوي.

په همدې حال کې د امریکا د مرکزي استخباراتو ادارې مشرې جینا هاسپل او د امریکا د ملي اطلاعاتو مدیر جان راتکلیف د طبقه بندي شوو اطلاعاتو افشا کیدل په افغانستان او نورو هیوادونو کې امریکایي ځواکونو لپاره خطرناکه بللي او ویلي دي چې دوی د مطرح شوو ادعاوو ارزونې باندې لګیا دي.

له دې وړاندې د امریکا د ولسي جرګې مشر له هاسپل او ښاغلي راتکلیف نه غوښتي و چې افغانستان کې د امریکايي ځواکونو وژلو باندې د روسیې تورنیدو په تړاو یادې جرګې ته ځواب ووایي.

بله خوا سپینې ماڼۍ هم ویلي چې روسیې باندې ادعاوو په تړاو هیڅ راز عمومي اجماع نشته او اوس د روسیې پر وړاندې د امریکا د ولسمشر اقداماتو په اړه څه نشي ویلی.

ناټو هم ویلي چې د دغه سازمان ماموریت په افغانستان کې د بهرنیو ځواکونو ساتنه ده او با ثباته افغانستان نه یواځې د امریکا او د هغې د متحدینو، بلکې د روسیې او ټولې سیمې په ګټه دی.

وړاندې داسې رپوټونه خپاره شوي و چې کني روسیې افغانستان کې د امریکا ځواکونو وژلو لپاره طالبانو ته پیسې ورکړي دي.

اصلي اړیکې: http://www.1tvnews.af/ps/news/afghanistan/42394-2020-06-30-05-48-07

د اصلي پاڼې خلاصول

خبر تلویزیون یک په اړه نور ولولئ

وروستي خبرونه:

Loading

Warning: Unknown: write failed: Disk quota exceeded (122) in Unknown on line 0

Warning: Unknown: Failed to write session data (files). Please verify that the current setting of session.save_path is correct (/tmp) in Unknown on line 0