بازتاب نیوز

د امریکا بهرنیو چارو وزیر او ایران استازي سره د طالب پلاوي خبرې

١٠ چنګاښ ١٣٩٩ طلوع نیوز

د امریکا د بهرنیو چارو وزیر، مایک پومپیو د طالبانو سیاسي مرستیال، ملابرادر سره د ویډیو کنفرانس له لارې خبرې کړې دي.

د یادې ډلې ویاند، سهیل شاهین پر تویټرپاڼې لیکلي چې دواړو لورو د هوکړې پلي کولو، تاوتریخوالیو کچې کمښت، د افغانانو ترمنځ د خبرو پیل او له افغانستانه د بهرنیو ځواکونو د وتو به تړاو بحث کړی.

په همدې حال کې د امریکا د بهرنیو چارو وزیر، مایک پومپیو ویلي دي چې طالبانو پر پوځي اډو او ښارونو کې د بریدونو کمولو سره تاوتریخوالی کم کړی، خو نورې خواوې هم باید افغانستان کې تاوتریخوالی کم کړي.

په همدې حال کې ملا برادر هم لیدنه کې له ګونتانامو زندانه د بندیانو د ازادولو غوښتنه کړې ده.

د طالبانو ویاند همداراز څرګنده کړې چې ملابرادر د ایران له ځانګړي استازي، ابراهیم طاهریان سره هم لیدلي او دواړو لورو د سولې او کډوالو پر موضوع خبرې کړې دي.

دې لیدنه کې ملا برادر د ایران له استازي غوښتنه کړې چې دغه هېواد کې دې "د اسلامي اوصولو له مخې" له افغان کډوالو سره چلند وکړي.

همداراز ملابرادر ویلي دي چې«موږ د هوکړې ټولو ټکو ته ژمن یوو، او د بندیانو ازادولو وروسته د بین الافغاني خبرو لپاره چمتو یوو.»

اصلي اړیکې: https://tolonews.com/pa/afghanistan/د-امریکا-بهرنیو-چارو-وزیر-او-ایران-استازي-سره-د-طالب-پلاوي-خبرې

د اصلي پاڼې خلاصول

طلوع نیوز په اړه نور ولولئ

وروستي خبرونه:

Loading

Warning: Unknown: write failed: Disk quota exceeded (122) in Unknown on line 0

Warning: Unknown: Failed to write session data (files). Please verify that the current setting of session.save_path is correct (/tmp) in Unknown on line 0