بازتاب نیوز

افغانستان کې د رسنیو نږدې ۱۰۰۰ تنه کار کوونکي پر کرونا اخته شوي

١٠ چنګاښ ١٣٩٩ خبر تلویزیون یک

افغانستان کې د کرونا ویروس د خپریدو له پیله تر اوسه نږدې ۱۰۰۰ تنه د رسنیو کار کوونکي پر کرونا ویروس اخته شوي دي.

د افغانستان د ازادو رسنیو د ملاتړ ادارې یا نی ویلي پر کرونا ویروس د اخته شوو خبریالانو او د رسنیو کار کوونکو شمیر تر هغه زیات دی، چې تر اوسه اعلان شوی دی.

تر اوسه د رسنیو پنځه تنه کار کوونکي د دغه ویروس له امله خپل ژوند له لاسه ورکړی دی.

دا شمیره د هغې سروې له مخې معلومه شوې، چې د نی ادارې له خوا په ټول هیواد کې شوې ده.

د دې سروې له مخې:

د رسنیو ۵۵۰ تنه کار کوونکي په کابل او شاوخوا ولایتونو کې

۱۲۰ تنه کار کوونکي په هرات او شاوخوا ولایتونو کې

۱۷۱ تنه د هیواد سویل او سویل لویدیځ زون کې

او ۸۹ تنه په شمالي زون کې پر دغې ناروغۍ اخته شوي، چې ټولټال ۹۵۳ تنه کیږي.

د نی د موندنې پر بنسټ، د رسنیو هغه کار کوونکي چې له لرې یې په انلاین ډول کار کړی د هغو په پرتله چې دفترونو ته یې تګ راتګ کړی، پر دغې ناروغۍ لږ اخته شوي دي.

دغه اداره وایي هڅه کوي څو حکومت د هغو خبریالانو، سرتیرو او ډاکټرانو کورنیو ته دایمي معاش ورکړي چې د کرونا ویروس له امله یې خپل ژوند له لاسه ورکړی دی.

اصلي اړیکې: http://www.1tvnews.af/ps/news/afghanistan/42403-2020-06-30-10-50-29

د اصلي پاڼې خلاصول

خبر تلویزیون یک په اړه نور ولولئ

وروستي خبرونه:

Loading

Warning: Unknown: write failed: Disk quota exceeded (122) in Unknown on line 0

Warning: Unknown: Failed to write session data (files). Please verify that the current setting of session.save_path is correct (/tmp) in Unknown on line 0