بازتاب نیوز

ملي امنیت شورا: طالبان هره ورځ ۲۴ ملکیانو ته مرګ‌ژوبله اړوي

١٠ چنګاښ ١٣٩٩ سلام وطندار

د ملي امنیت شورا د دفتر ویاند جاوید فیصل وايي چې طالبانو د اورکم له اوونۍ وروسته د روان کال په فبروري میاشت کې په منځنۍ کچه هره ورځ د هېواد په بېلابېلو سیمو کې ۴۴ بریدونه کړي دي.

د ملي امنیت شورا ویاند جاوید فیصل نن په یوه ټویټ کې لیکلي چې د یادو بریدونو له کبله د ورځې لږترلږه ۲۴ کسانو ته مرګ‌ژوبله اوښتې ده.

فیصل وايي چې د سولې هوکړه‌لیک بریا د تاوتریخوالي له کموالي او د بین‌الافغاني خبرو اترو له پیل سره تړلې ده.

د اورکم اوونۍ د تېر کال په کب میاشت کې پیل او د امریکا او طالبانو ترمنځ د سولې هوکړه‌لیک تر لاسلیک ـ د کب تر لسمې نېټې یې دوام وکړ. د یاد هوکړه‌لیک له لاسلیک نه دوه ورځې وروسته طالبانو پر امنیتي ځواکونو د بریدونو د پیل خبر ورکړ.

دولت تل طالبان د یاد هوکړه‌لیک پر نقض تورن کړي او ویلي یې دي چې یاده ډله یادې ډلې د سولې هوکړه‌لیک له لاسلیک سره سم تاوتریخوالی ډېر کړی دی.

طالبانو هم په ځینو برخو کې دولت د هوکړه‌لیک پر نقض تورن کړی او تر اوسه یې د ملي امنیت شورا د راپور په اړه څه نه دي ویلي.

دا په داسې حال کې ده چې د راپورونو له مخې، ټاکل شوې بین‌الافغاني خبرې اترې په جولای میاشت کې د قطر په پلازمېنه دوحه کې پیل شي.

اصلي اړیکې: https://swn.af/pashto/Article.aspx?a=55828

د اصلي پاڼې خلاصول

سلام وطندار په اړه نور ولولئ

وروستي خبرونه:

Loading

Warning: Unknown: write failed: Disk quota exceeded (122) in Unknown on line 0

Warning: Unknown: Failed to write session data (files). Please verify that the current setting of session.save_path is correct (/tmp) in Unknown on line 0