بازتاب نیوز

یوناما: هلمند کې د طالبانو د برید په ځواب کې د پوځ راکېټونه د ملکي مرګ‌ژوبلې لامل شوي

١١ چنګاښ ١٣٩٩ سلام وطندار

په افغانستان کې د ملګرو ملتونو ځانګړې استازولۍ یا یوناما ویلي چې د دغې ادارې لومړني بې‌پرې موندنې ښيي چې د طالبانو د بریدونو په ځواک کې د د ملي پوځ ځواکونو ځوابي راکېټونه د هلمند د سنګین ولسوالي په رازار کې د ملکي مرګ‌ژوبلې لامل شوي دي.

یوناما پرون په یوه ټویټ کې لیکلي چې څو باوري سرچینو دغې ادارې ته ویلي چې د ملي پوځ ځواکونو د طالبانو د بریدونو په ځواب کې لاکېټونه ویشتي چې د سنګین ولسوالي په بازار کې لګېدلي او له ملکیانو یې قرباني اخیستې ده.

پرون د سنګین ولسوالي په زاړه بازار کې د چاودېدونکو توکیو د یوه موټر چاودنې او توغول شویو راکېټونو ملکیانو ته مرګ‌ژوبله واړوله.

د هلمند د والي دفتر په یوه خبرپاڼه کې لیکلي و چې په یوه دودیزه مېله کې د طالبانو له لوري د ۴ راکېټونو د توغولو او د چاودېدونکو توکیو د یوه موټر چاودنې ۲۳ ملکیان وژلي او ۱۵ نور یې ټپیان کړي دي.

طالبانو ملي پوځ د یاد برید مسوول بللی و، خو د هلمند د والي دفتر په یاده خبرپاڼه کې د دولتي ځواکونو له لوري د راکېټونو توغول کېدو راپورونه رد کړي دي.

د هلمند د والي دفتر ویلي و چې طالبانو غوښتل د ملي پوځ پر دویمې لوا راکېټي برید وکړي، خو یاد راکېټونه د سنګین ولسوالي په بازار کې لګېدلي دي.

یوناما له ښکېلو لوریو غوښتي چې په ګڼه‌ګوڼه ځایونو کې جګړه ودروي؛ ځکه په وینا یې، دا ډول نښتې هر کال د زرګونو کسانو ژوند اخلي.

یوناما له دولت نه غوښتي چې د یادې پېښې د څېړلو لپاره یو خپلواک پلاوی وټاکي او یوناما به د حقیقتونو د ثابتولو لپاره له ټولو لوریو، قربانیانو او کورنیو سره همکاري وکړي.

اصلي اړیکې: https://swn.af/pashto/Article.aspx?a=55844

د اصلي پاڼې خلاصول

سلام وطندار په اړه نور ولولئ

وروستي خبرونه:

Loading

Warning: Unknown: write failed: Disk quota exceeded (122) in Unknown on line 0

Warning: Unknown: Failed to write session data (files). Please verify that the current setting of session.save_path is correct (/tmp) in Unknown on line 0