بازتاب نیوز

بغلان کې له افغان ځواکونو سره نښته کې ۳ طالب وسله‌وال وژل شوي

٢٦ چنګاښ ١٣٩٩ طلوع نیوز

د هېواد ملي دفاع وزارت په بغلان کې له افغان ځواکونو سره د طالبانو نښتې پایله کې د دریوو طالب وسله والو له وژل کېدو خبر ورکوي.

یاد وزارت خبرپاڼه کې نن(پنجشنبې د چنګاښ په ۲۶مه نېټه) راغلي چې نښته د بغلان په چشمه شېر سیمه کې شوي او طالبانو سیمه کې لار هم د تګ راتګ پرمخ تړلې.

خبرپاڼې د افغان ځواکونو پوځي عملیاتو په ترڅ کې د لارې له پرانیستو هم خبر ورکړی دی.

دفاع وزارت همداراز ویلي چې له دوو ورځو راهیسې په چشمه شېر سیمه کې د طالبانو لخوا بریدونه کېدل، خو د افغان ځواکونو له عملیاتو وروسته، ګواښونه رفع شوي دي.

عملیاتو کې د ۱۵ ماینونو له شڼدولو هم خبر ورکړل شوی دی.

دفاع وزارت افغان ځواکونو ته د احتمالي زیان اوښتو په تړاو څه نه دي ویلي.

طالبانو تر اوسه نظر نه دی څرګند کړی.

اصلي اړیکې: https://tolonews.com/index.php/pa/afghanistan/بغلان-کې-له-افغان-ځواکونو-سره-نښته-کې-د-۳طالبانو-وژل-کېدل

د اصلي پاڼې خلاصول

طلوع نیوز په اړه نور ولولئ

وروستي خبرونه:

Loading