بازتاب نیوز

د افغانستان د لوګر په ولایت کې د لوی اختر په شپه  په لسګونو کورنۍ  د غم په ټغر کینول شوې.

١٠ زمری ١٣٩٩ ټي آر ټي

 

د لوګر ولایت په مرکز پل عالم ښار کې تیر ماښام د یو موټر بم په چاودنه کې نږدې ۴۰ تنو ته مرګ ژوبله اوښتې ده.

د افغانستان د کورنیو چارو وزارت ویلي‌ دي چې ترهګرو تیر ماښام د لوګر ولایت په مرکز پل عالم ښار کې د ترهګرو لخوا د ترسره شوي موټر بم په چاودنه کې لږ تر لږه ۸ تنه ملکي‌ وګړي‌ مړه او ۳۰ تنه نور ټپيان شوي‌ دي.

د کورنیو چارو وزارت ویلي دي چې دا چاودنه د پل عالم ښار د ازادۍ په څلور لارۍ کې رامنځته شوې ده.

دا چاودنه پداسې حال کې رامنځته کیږي‌ چې طالبانو د اختر په درې ورځو کې اوربند اعلان کړ. خو دا چاودنه د اوربند د نافذیدو نه یواځې څو ساعته مخکې رامنځته شوه.

د چاودنې مسئولیت تر اوسه پورې چا په غاړه ندی اخیستی.

چاودنې د لوګر او ټول افغانستان  خلکو د اختر په  خوښيو سیوری وغوړ.

پيوندونه: #چاودنه , #لوګر , #افغانستان

اصلي اړیکې: https://www.trt.net.tr/pashto/fgnstn/2020/07/31/d-fgnstn-d-lwkr-ph-wlyt-kh-d-lwy-khtr-ph-shph-ph-lskwnw-khwrny-d-gm-ph-tgr-khynwl-shw-1464906

د اصلي پاڼې خلاصول

ټي آر ټي په اړه نور ولولئ

وروستي خبرونه:

Loading