بازتاب نیوز

هرات کې یوې چاودنې څوارلس کسان ټپیان کړل

١٠ زمری ١٣٩٩ سلام وطندار

د دولت او طالبانو ترمنځ د درې ورځني اوربند په لومړۍ ورځ څوارلس کسان په هرات کې یوې چاودنې ټپیان کړل.

د هرات د عامې روغتیا ریاست ویاند محمدرفیق شېرزی وايي چې د یوشمېر ټپیانو روغتیايي وضعیت د اندېنښې وړ ښودل شوی دی.

د نوموړي په وینا، د یادې پېښې ټول ټپیان ځوانان او پاخه خلک دي.

د هرات د پولیسو ویاند عبدالاحد ولي‌زاده وايي، دغه چاودنه د هرات ښار د مولوي ټانک په سیمه کې هغه مهال وشوه چې د هرات اوسېدونکي د قرباني اخيستو لپاره ښار ته راوتلي وو.

د هرات د پولیسو ویاند وايي چې د یادې چاودنې په تور یې درې کسان نیولي دي.

تر اوسه هېڅ وسله‌والې ډلې د دې پېښې مسوولیت نه دی منلی.

دا په داسې حال کې ده چې بېګاه د هرات ښار پر اوومې حوزې د وسله‌والو په برید کې یو ملکي وګړی ووژل شو.

اصلي اړیکې: https://swn.af/pashto/Article.aspx?a=56320

د اصلي پاڼې خلاصول

سلام وطندار په اړه نور ولولئ

وروستي خبرونه:

Loading