بازتاب نیوز

ننګرهار کې سېلابونو د ۱۵ ماشومانو او یوې ښځې ژوند واخیست

١١ زمری ١٣٩٩ سلام وطندار

د ننګرهار ولایت رسنیز دفتر وايي چې د دغه ولایت د کوز کونړ ولسوالي اړوند په زوړ کلي کې د سختو اورښتونو او سېلابونو راوتلو له امله د يوې ښځې په ګډون ۱۶ ماشومان مړه او څلور نور ماشومان ټپيان شوي دي.

د معلوماتو له مخې، د يوه شهيد شوي ماشوم جسد تر دې دمه نه دی موندل شوی او د موندلو هڅې يې روانې دي.

همداراز په سيمه کې لسګونه کورونه او ملکيتونه تخريب شوي دي.

د ننګرهار سرپرست والي تميم عارف مومند پر ياده پېښه خواشيني ښودلې او اړوندو ادارو ته يې سپارښتنه کړې چې سيمې ته د ژغورنې په موخه ټيمونه او بېړنۍ مرستې ولېږي.

په سيمه کې د ولسوال په مشري دولتي مسوولان د ولسي خلکو په همکاري د جسدونو موندلو او د پاتې کسانو ژغورنې په موخه فعاليت کوي.

اصلي اړیکې: https://swn.af/pashto/Article.aspx?a=56328

د اصلي پاڼې خلاصول

سلام وطندار په اړه نور ولولئ

وروستي خبرونه:

Loading