بازتاب نیوز

ارزګان کې ماين چاودنې د يوې کورنۍ څلور غړي وژلي

١٢ زمری ١٣٩٩ طلوع نیوز

د ارزګان ځايي امنيتي چارواکي وايي، چې د دغه ولايت په دهراوود ولسوالۍ کې پر موټرسيکل د ماين چاودنې له امله د يوې کورنۍ څلور تنه غړي وژل شوي دي.

د ارزګان د والي وياند زړګی عبادي د پېښې پخلی کوي او وايي، چې د يوې کورنۍ غړي پر موټر سايکل سپاره او د خپلوانو کور ته د اختر مبارکۍ په موخه روان وو، چې په لار د وسله والو طالبانو له لوري پر يوه خښ کړل شوي ماين پرې چاودنه وکړه، څلور تنه په کې ووژل شول، چې ټول د يوې کورنۍ غړي وو.

نوموړی وايي، پېښه تېره ورځ مازديګر مهال رامنځته شوې او په دغې پېښه کې يوه مېرمن دوه ماشومان او یو ځان وژل شوي دي.

تراوسه د دغې پېښې مسووليت کومې وسله والې ډلې پرغاړه نه دی اخیستی.
 
دا په دې داسې حال کې ده چې د لوی اختر په درې ورځو کې د وسله والو طالبانو او افغان حکومت تر منځ اوربند هم شوی دی.

اصلي اړیکې: https://tolonews.com/index.php/pa/afghanistan/ارزګان-کې-ماين-چاودنې-د-يوې-کورنۍ-څلور-غړي-وژلي

د اصلي پاڼې خلاصول

طلوع نیوز په اړه نور ولولئ

وروستي خبرونه:

Loading