بازتاب نیوز

د ايران ولسمشر هيله ښودلې چې طالبان اوربند وغځوي

١٢ زمری ١٣٩٩ خبر تلویزیون یک

د ايران ولسمشر، حسن روحاني هيله ښودلې چې طالبان په افغانستان کې لنډمهاله اوربند وغځوي او د افغانانو ترمنځ خبرو لپاره لاره هواره شي.

د ايران ولسمشر، حسن روحاني له ولسمشر غني سره ټيلفوني خبرو کې ويلي چې افغانستان کې سوله، د سيمې د امن او ثبات لامل کيږي او د ايران دولت د هغې سولې د بهير چې افغان دولت يې مشري وکړي، ملاتړ کوي.

ښاغلي روحاني همداشان د ايران او افغانستان ترمنځ د اقتصادي، سياسي او سوداګريزو اړيکو پر پراخيدو هم ټينګار کړى دي.

دا په داسې حال کې دي چې ايران په کراتو د افغانستان په کورنيو چارو کې پر لاسوهنې او د طالبانو پر ملاتړ تورن شوى دى.

اصلي اړیکې: http://www.1tvnews.af/ps/news/afghanistan/42734-2020-08-02-05-41-20

د اصلي پاڼې خلاصول

خبر تلویزیون یک په اړه نور ولولئ

وروستي خبرونه:

Loading