بازتاب نیوز

ارسنال د انګلستان حذفي جام اتل شو

١٢ زمری ١٣٩٩ طلوع نیوز

د ارسنال لوبډلې د شنبې په شپه(د زمري ۱۱مه نېټه) د لندن ښار ومبلي لوبغالي کې چلسي لوبډلې ته ۲ د ۱ پر وړاندې ماته ورکړه او د څلورم ځل لپاره د دغو لوبو اتل شو.

د تېرې شپې بریا سره، دغې لوبډلې د حذفي جام سیالیو کې د ډېرو اتلولیو سره خپل ځای وساتلو.

دا د انګلستان د حذفي جام یو سلو نهه دیرشم پړاو سیالۍ وې چې ترسره شوې.

 دغه لوبه کي د ارسنال بریدگر اوبامیانگ بریال شو چي د خپلې لوبډلې دوهم ګول ووهي.

هغه لومړی ګول د لوبې په ۲۸مه دقیقه کې وهلی وو او دوهم یې هم په ۶۷ دقیقه کې ترسره کړ.

دا په داسې حال کې وه چې چلسي د کریستین پولیسیچ ګول سره په لومړیو پنځو دقیقو کې مخکې شوی وه.

د دغې لوبډلې غړی، متئو کواچیچ د لوبې په ۷۳ دقیقه کې ویستل شو او لوبه یې د لسو غړو سره مخې ته بوتله.

دغه لوبه د ارسنال لپاره چې لیګ یې په اتم پړاو کې پایته ورسولو او د اروپايي لیګ سهمیې کسب نه پاتې شوی وو، د دغه لیګ راتلونکي فصل سهمیه یې په مستقیم ډول دا ځل ترلاسه کړه.

اصلي اړیکې: https://tolonews.com/index.php/pa/sport/ارسنال-د-انګلستان-حذفي-جام-اتل-شو

د اصلي پاڼې خلاصول

طلوع نیوز په اړه نور ولولئ

وروستي خبرونه:

Loading