بازتاب نیوز

هېواد کې د کرونا ویروس یوازې یوه مثبته پېښه ثبت شوې

١٣ زمری ١٣٩٩ طلوع نیوز

د عامې روغتیا وزارت وايي تېرو ۲۴ ساعتونو کې د هېواد په کچه د کرونا ویروس ۱۹ مشکوکې پېښې کتل شوې چې له ډلې یې یوه مثبته ده.

همداراز یاد وزارت نن(یکشنبې د زمري په ۱۲مه نېټه) زیاتوي چې د اختر په ورځو کې کمو خلکو د کرونا ویروس ټسټ لپاره لابراتوارونو ته مراجعه کړې ده.

یاد وزارت وايي یاده موده کې د کوویډ۱۹ ناروغۍ له کبله د مړو راپور هم نه دی ورکړی شوی او د روغو شویو کسانو ټسټ هم نه دی ترسره شوی.

دا په داسې حال کې ده چې د افغانستان د بیارغونې لپاره د امریکا ځانګړی څارونکی بنسټ یا سیګر هم تېره اوونۍ خپل راپور کې ویلي وو چې په افغانستان کې د کورونا ویروس له امله د مړه شویو کسانو واقعي شمېر له خپرو شویو شمېرو څخه ښايي لوړ وي.

د سیګر په نوي رپوټ کې په تېره میاشت کې کابل کې د کورونا ویروس له امله د ورځې د ۳۳ تنو له مړینې خبر ورکړل شوی دی.

 د روان کال د چنګاښ میاشتې تر پنځه ویشتمې د کورونا ویروس له امله په افغانستان کې د مړه شویو کسانو شمېر ۱۰۹۴ اعلان شوی؛ خو دغه شمېر به له واقعي شمېر سره ښايي توپير ولري او لاملونه یې هم، د معاینې کولو ټيټه وړتیا او روغتیايي خدماتو ته د ټولو افغانانو نه لاسرسی بلل کېږي.

په دې رپوټ کې د کابل امبولانس د مسوولینو له خولې راغلي چې، په منځنۍ کچه په ورځ کې تر ۳۳ کسانو پورې د کووېډ۱۹ ناروغۍ له امله مړه شوي دي.

اصلي اړیکې: https://tolonews.com/index.php/pa/health/تېره-شپه-ورځ-کې-د-کرونا-ویروس-۱۹-مشکوکې-نښې-کتل-شوې-دي

د اصلي پاڼې خلاصول

طلوع نیوز په اړه نور ولولئ

وروستي خبرونه:

Loading