بازتاب نیوز

فاریاب کې هغه پولیس نیول شوی چې خپل درې همکاران یې وژلي وو

١٦ زمری ١٣٩٩ د خامه پرس خبری آژانس

د فاریاب پولیسو هغه کس نیولی چې درې میاشتې وړاندې یې خپل درې پولیس ملګري د دغه ولایت المار ولسوالۍ کې د دندې پر مهال وژلي وو.

د فاریاب د پولیسو ویاند عبدالکریم یورش وایي، دغه کس قدرت الله نومېږي او د یاد ولایت د پښتون کوټ ولسوالۍ اوسېدونکی دی.

د نوموړي په خبره یاد کس د خپلو ملګرو تر وژلو ورسته له طالبانو سره یو ځای شوی و.

هغه زیاته کړه، د فاریاب پولیس وروسته تر دریو میاشتو و توانېدل چې د غور ولایت د پولیسو په همکارۍ یاد کس په دغه ولایت کې ونیسي.

یورش وایي، د نیول شوي کس دوسیه عدلي او قضایي ارګانونو ته لېږل شوې ده.

دغه نیول شوی کس درې میاشتي وړاندې د فاریاب ولایت په المار ولسوالۍ کې خپل درې همکار پولیس د دندې پر مهال وژلي و او د پېښې له ځایه تښتېدلی و.

اصلي اړیکې: https://www.khaama.com/pashto/archives/28835

د اصلي پاڼې خلاصول

د خامه پرس خبری آژانس په اړه نور ولولئ

وروستي خبرونه:

Loading