بازتاب نیوز

پکتيا کې د زعفرانو د ترويج هڅې

١٦ زمری ١٣٩٩ خبر تلویزیون یک

په پکتيا ولايت کې ۵۰۰۰ کيلو ګرامه د زعفرانو تخم پر یوشمېر بزګرانو ووېشل شول.

د پکتیا کرنې، اوبو لګولو او مالدارۍ رياست له لورې ددي ولایت د مرکز په ګډون د زرمت، جاني خيلو، لجه منګل، میرزکې او ځاځي اریوب ولسواليو کې ۱۰ تنو بزګرانو ته د زعفرانو د ۱۰ ننداریزو قطعو د جوړولو لپاره ۵۰۰۰ کیلو ګرامه د زعفرانو پیاز، ۱۰.۴ لیتره تقویتي سره او کرنیزې کڅوړې وویشل شوې.

د پکتيا ولايت رسنيز دفتر وايي یادې قطعې نیم جریب ځمکه په بر کې نیسي، چې هر بزګر ته ۵۰۰ کیلو ګرامه د زعفرانو پیاز، یو لیتر تقویتي سره او یوه کرنیزه کڅوړه ورکړل شول.

د پکتیا ولايت مرستیالې، زهره مطهر احمدزۍ، ويلي چې د یادو ننداریزو قطعو جوړيدل به د کاري فرصتونو رامنځته کيدو ترڅنګ، د بزګرانو د اقتصاد په وده کې هم رغنده رول ولوبوي.

نوموړې له بزګرانو وغوښتل چې پالنې، روزنې او اوبولګونې ته يې ځانګړې پاملرنه وکړي.

د پکتیا کرنې اوبو لګولو او مالدارۍ رياست مشر، محمد دين مومند ويلي دغه ننداريزې قطعې د زعفرانو د کښت رواجولو او د بزګرانو د عاید لوړولو په موخه جوړيږي.

نوموړي زياته کړې چې زعفران د هېواد يو ګران بيه کرنيز نبات دی او ياد نبات د هېواد او په ځانګړي ډول د پکتيا ولایت له اقليم او خاورې سره پوره ښه توافق لري.

د افغانستان زعفران د نړۍ په کچه ښه نوم او بازار لري.

اصلي اړیکې: http://www.1tvnews.af/ps/news/afghanistan/42770-2020-08-06-15-19-35

د اصلي پاڼې خلاصول

خبر تلویزیون یک په اړه نور ولولئ

وروستي خبرونه:

Loading