بازتاب نیوز

د سولې لویې مشورتي جرګې پای‌غونډه

١٩ زمری ١٣٩٩ سلام وطندار

لویه مشورتي جرګه نن درېیمې ورځې ته وغځېده. دغې جرګې نن په خپله وروستۍ غونډه کې د ۴۰۰ طالب بندیانو د خوشې کولو په اړه خپل پرېکړه‌لیک اعلان کړ.

د ولسمشر غني ترڅنګ، پخواني ولسمشر حامد کرزي، د ولسمشر مرستیالانو، د ولسي جرګې او مشرانو جرګې رییسانو او غړیو، قاضي‌القضات، محمدکریم خلیلي، محمد محقق او نورو سیاسي شخصیتونو په دې جرګه کې ګډون کړی و.

د دې جرګې رییس عبدالله عبدالله لویې مشورتي جرګې په پای‌غونډه کې د ۴۰۰ طالب بندیانو د خوشې کولو په اړه د جرګې پرېکړه تاریخي وبلله او دا یې د افغانستان په خیر یاده کړه.

عبدالله د امنیتي ځواکونو له زیار نه هم مننه وکړه چې د جرګې لپاره د ترتیبانو نیولو له پیل راهیسې یې د جرګې امنیت وساته او د خطرونو او سترو توطیو مخه یې ونیوله.

نوموړي وویل چې د جرګې پرېکړې وروستیو پلمو ته هم د پای ټکی کېښود.

اصلي اړیکې: https://swn.af/pashto/Article.aspx?a=56457

د اصلي پاڼې خلاصول

سلام وطندار په اړه نور ولولئ

وروستي خبرونه:

Loading