بازتاب نیوز

سوداګر: پر سوداګریزو توکو تعرفې یو ډول نه عملي کېږي

٢٠ زمری ١٣٩٩ د كليد ګروپ

د سوداګرو د ټولنې د مسولینو پر وینا، د ننګرهار او هرات تر څنګ د هېواد په نورو ګمرکونو کې هم پر سوداګریزو توکو محصول یو ډول نه اخیستل کېږي او ګمرکي تعرفې سره توپیر لري. د ننګرهار د سوداګرۍ او پانګونې خونې مرستیال زلمی عظیمي له مالې وزارت غوښتنه کوي چې افغان سوداګرو ته دې پر نورو برخو سربېره، د تعرفو د یو ډول عملي کېدو په برخه کې هم اسانیتاوې برابرې کړي. «زموږ غوښتنه له مالې وزات څخه دا ده چې په ټول هېواد کې تعرفې په یو ډول تطبیق شي، نه دا چې ننګرهار کې یو ډول او هرات او نورو ولایتونو کې بل ډول عملي کېږي.» سوداګر وایي، د تعرفو په یو ډول نه عملي کېدو له امله تجارانو ته مالي زیانونه اوښتی دي. دوی له حکومت د هېواد په ټولو ګمرکونو کې د سوداګریزو توکو د تعرفو د یو ډول عملي کېدو غوښتنه کوي. سودارګر هیله مند دي که په ګمرکاتو کې پر سوداګریزو توکو یو ډول تعرفې تطبیق شي، نو تر ډېره به د فساد مخه هم ونیول شي. «که په ټولو ګمرکونو کې تعرفې یو ډول عملي شي، نو د فساد مخه هم نیول کېږي او سوداګرو ته به ستونزه هم نه وي، مونږ به خپله سوداګري په سمه توګه وکړو.» په همدې حال کې د ننګرهار د ګمرک رییس نصرالله صاحبزاده وایي، د هېواد په نورو ولایتونو کې د تعرفو په یو ډول نه عملي کېدو شکایتونه دوی ته هم رسېدلي دي. هغه ټینګار کوي چې د ننګرهار په ګمرک کې د ټاکل شوې تعرفې له مخې د سوداګریز توکي محصول کېږي. «سوداګر د تعرفو د یو ډول نه عملي کېدو شکایت کوي، خو کله کله د سوداګریزو توکو وزن فرق کوي چې له همدې امله پر محصول زیات راځي.» په ننګرهار کې سوداګر داسې مهال په ګمرګونو کې د تعرفو له یو ډول نه عملي کېدو شکایت کوي چې د هېواد په ګمرکونو کې د فساد اړوند ډېری راپورونه خپرېږي. The post سوداګر: پر سوداګریزو توکو تعرفې یو ډول نه عملي کېږي appeared first on pashto.

اصلي اړیکې: https://tkg.af/pashto/2020/08/10/سوداګر-پر-سوداګریزو-توکو-تعرفې-یو-ډول-ن/

د اصلي پاڼې خلاصول

د كليد ګروپ په اړه نور ولولئ

وروستي خبرونه:

Loading