بازتاب نیوز

حنیف اتمر به تاجیکستان رفت

٢٧ سنبله ١٣٩٩ آژانس افغان خبر

محمدحنیف اتمر، سرپرست وزارت امور خارجه امروز پنج‌شنبه(۲۷، سنبله) در راس یک هیات بلندپایه دولتی به تاجیکستان رفت.

به گزارش افغان نیوز: در اعلامیه وزارت خارجه آمده است که در این سفر ، حنیف اتمر با آقای امام علی رحمان؛ رییس جمهوری، قاهر رسول‌زاده؛ صدراعظم، سراج‌الدین مهرالدین؛ وزیر خارجه و سید مؤمن یتیم‌اوف؛ رییس کمیته دولتی امنیت ملی تاجیکستان دیدار و گفت‌وگو خواهد کرد.

اعلامیه می‌افزاید که در این سفر، روی تقویت هرچه بیشتر روابط دو کشور در بخش‌های امنیتی و سرحدی، ترانسپورت، سرمایه‌گذاری، تجارت و ترانزیت، و انرژی بحث صورت می‌گیرد.

در این سفر، سرپرست وزارت امور خارجه را، شماری از مقام‌های دولتی، والیان و اعضای پارلمان همراهی می‌کند.


لینک اصلی: http://afghannews.af/حنیف-اتمر-به-تاجیکستان-رفت

بازکردن لینک اصلی

بیشتر بخوانید از آژانس افغان خبر

آخرین خبر ها:

Loading