بازتاب نیوز

سرپرست وزارت خارجه به تاجیکستان رفت

٢٧ سنبله ١٣٩٩ خبر تلویزیون یک

وزارت امور خارجه اعلام کرده است که محمدحنیف اتمر، سرپرست این وزارت در راس یک هیات بلندرتبه‌ی دولتی به تاجیکستان سفر کرده است.

در اعلامیه‌یی این وزارت که امروز پنج‌شنبه ۲۷ سنبله منتشر شده، آمده است که این سفر دو روزه بنابر دعوت رسمی تاجیکستان انجام شده است.

به گفته‌ی وزارت خارجه، در این سفر قرار است آقای اتمر با امام علی رحمان، رییس جمهور تاجیکستان، قاهر رسول‌زاده، نخست وزیر این کشور، سراج‌الدین مهرالدین، وزیر خارجه‌ی این کشور و سید مومن یتیم‌اوف، رییس کمیته‌ی دولتی امنیت ملی تاجیکستان دیدار و گفتگو کند.

بربنیاد اعلام این وزارت، بحث‌ها و گفتگوها روی تقویت هرچه بیشتر روابط دو کشور در بخش‌های امنیتی و سرحدی، ترانسپورت، سرمایه‌گذاری، تجارت و ترانزیت، و انرژی متمرکز خواهد بود.

آقای اتمر را در این سفر شماری از مقام‌های دولتی، والی‌ها و عضوهای مجلس نماینده‌گان همراهی می‌کنند.

لینک اصلی: http://www.1tvnews.af/fa/news/afghanistan/43168-2020-09-17-03-08-25

بازکردن لینک اصلی

بیشتر بخوانید از خبر تلویزیون یک

آخرین خبر ها:

Loading