بازتاب نیوز

په بامیان کې چاودنې ۱۵ تنو ته مرګ ژوبله اړولې

٢٧ وږی ١٣٩٩ ټي آر ټي

د افغانستان په مرکزي‌ برخو کې په بامیان ولایت کې د یو بم چاودنې یو تن مړ او ۱۴ تنه ټپیان کړي‌ دي.

د بامیان ولایت سیمه ایزو مقاماتو ویلي‌ دي‌ چې نن پنجشبنه د غرمې نه مخکې د یاد شوي‌ ولایت په مرکز کې د فولادي‌ درې په سیمه کې یو بم وچاودید چې په نتیجه کې یوې ۱۵ کلې پيغلې ژوند د لاسه ورکړی او ۱۴ تنه نور ټپیان شوي‌ دي.

د بامیان د پولیسو ویاند خبري رسنیو ته ویلي‌ دي‌ چې چاودنه په سیمه کې د پخوا نه پاتې یو لاسي‌ بم د چاودنې په نتیجه کې رامنځته شوې ده.

هغه ویلي‌ دي‌ چې پدې پیښه کې یوې ۱۴ کلنې پيغلې ژوند د لاسه ورکړی دی. چاودنه په سیمه کې د کچالو د حاصلاتو د راټولو پر مهال رامنځته شوې ده . د پيښې قربانیانو کې ښځې او ماشومان هم شتون لري.

ویل کیږي‌ د ټپیانو نه هم د بعضو روغتیايي حالت ښه ندی.

ټپیان د بامیانو په مرکزي‌ روغتون کې د تداوۍ لاندې نیول شوي‌ دي.

پيوندونه: #چاودنه , #بامیان

اصلي اړیکې: https://www.trt.net.tr/pashto/fgnstn/2020/09/17/ph-bmyn-kh-chwdn-15-tnw-th-mrk-jwblh-rwl-1492462

د اصلي پاڼې خلاصول

ټي آر ټي په اړه نور ولولئ

وروستي خبرونه:

Loading