بازتاب نیوز

د غزني د ټاکنو کمېسیون دفتر نه پرانیستل‌کېدل د قانون خلاف دی

٢٣ غبرګولی ١٣٩٧ سلام وطندار

د ولسي جرګې ځېنو غړیو نن د دې جرګې په عمومي غونډې کې وویل چې غزني کې د ټاکنو خپلواک کمېسیون دفتر بېرته نه پرانېستل‌کېد د وطنوالۍ له حقونو د یو ولایت  اوسیدونکیو د بې‌برخې کولو سبب کېږي.

د ولسي جرګې دوه غړي شاه ګل رضايي او مخدوم عبدالله محمدي د اساسي قانون دویم څپرکي کې د هېوادوالو د حقوقو په اړه پراخ بحث راغلی او په غزني ولایت کې د ټاکنو خپلواک کمېسیون بېرته نه پرانېستل کېدل له غزني‌چیانو نه د همدې حقوقو اخېستل دي.

د دوی په وینا، که د افغانستان حکومت د غزني ستونزه حل نه‌کړي د افغانستان ټاکنې تر پوښتنې لاندې راځي چې ولې د یو مهم ولایت اوسېدونکي د هغوی د غوښتنو په نه منلو سره له ټاکنو بې‌برخې کېږي.

د ولسي جرګې رییس عبدالرووف ابراهیمي د ټاکنو خپلواک کمېسیون دفتر بندپاتې‌کیدلو لامل د ټاکنو کمېسیون او حکومت مدیریتي کمزوري بولي او وايي چې په غزني ولایت کې د ټاکنو کمېسیون دفتر بېرته نه پرانېستل‌کېدل د قانون خلاف عمل دی.

د ولسي جرګې رییس له حکومت او ټاکنو خپلواک کمېسیونه وغوښتل چې د غزني ولایت دې ستونزې سره مسوولانه چلند وکړي.

خو د افغانستان د ټاکنو خپلواک کمېسیون رییس ګلاجان عبدالبدیع صیاد نن په کابل کې یوې خبري غونډې ته وویل چې اداري ستونزه د ټاکنو کمیسیون له خوا هواره شوې او حکومت ژمنه کړې د غزني سیاسي ستونزې ډېر ژر هوارې کړي.

د ده په وینا، دوی ته ډاډ ورکړل شوی چې تر دوو ورځو به د غزني ولایت ستونزه حل شي؛ خو نه‌شي ویلی چې دا به په دوو ورځو کې حل شي او که‌نه، د ده په وینا که حل نه‌شي؛ د ټاکنو خپلواک کمېسیون په استثنايي توګه دې ستونزې ته حل لار پیدا کوي او خپله پرېکړه کوي.

غزني کې د ټاکنو خپلواک کمېسیون ولایتي دفتر له دوو میاشتو راهیسې د دغه دفتر په وړاندې د ځېنو اوسېدونکیو د پرلت له امله تړل شوی. د ټاکنو حوزوي‌کېدل، پر تذکزو د سټېکر لګول او په ټاکنیزو کمېسیونونو کې سمون د پرلتوالو اساسي غوښتنې دي.

اصلي اړیکې: http://salamwatandar.com/Pashto/article.aspx?a=40335

د اصلي پاڼې خلاصول

سلام وطندار په اړه نور ولولئ

وروستي خبرونه:

Loading