بازتاب نیوز

امریکا تر ټولو چټک کمپیوټر جوړ کړی

٢٣ غبرګولی ١٣٩٧ طلوع نیوز

په نړۍ کې تر ټولو چټک او ځواکمن کمپیوټر چې «سامېټ» نومول شوی، په امریکا یې مخکتنه وشوه.

د دغه کمپیوټر، د محاسبې سرعت، د نړۍ د اوسني تر ټولو ګړندي کمپیوټر دوه برابره دی.

سامېټ په یوې ثانیه کې کابو د ۲۰۰ زره تریلیارده حساب ورکړې یا ۲۰۰ پټافلاپس ځواک لري. په داسې حال کې «سان‎وي ټایهو لایټ» چې چین جوړ کړی تراوسه په نړۍ کې تر ټولو چټک کمپيوټر دی، چې په ثانیه کې ۹۳ پټافلاپ ځواک لري.

دا کمپیوټر چې د دوه شرکتونو «ان‎ویډیا او اي بي ام» په همکارۍ جوړ شوی، په ټنسي کې د اوک ریج په ملي ازموینځای کې ساتل کېږي.

سامېټ ۴ زره او ۶۰۸ سرور او ۱۰ زره ټرابایټ حافظه لري.

امریکا او چین د نړۍ تر ټولو ځواکمنو او چټکو کمپیوترونو په جوړښت کې سره ډېره نېږدې سیالي لري.

اصلي اړیکې: https://www.tolonews.com/pa/science-technology/%D8%A7%D9%85%D8%B1%DB%8C%DA%A9%D8%A7-%D8%AA%D8%B1-%D9%BC%D9%88%D9%84%D9%88-%DA%86%D9%BC%DA%A9-%DA%A9%D9%85%D9%BE%DB%8C%D9%88%D9%BC%D8%B1-%D8%AC%D9%88%DA%93-%DA%A9%DA%93%DB%8C

د اصلي پاڼې خلاصول

طلوع نیوز په اړه نور ولولئ

وروستي خبرونه:

Loading