بازتاب نیوز

د بدخشان په جرم ولسوالۍ د حکومت اوربند په دویمه ورځ د طالبانو برید

٢٣ غبرګولی ١٣٩٧ سلام وطندار

د بدخشان ولایت جرم ولسوالۍ په شخ‌لول سیمه کې د طالبانو په بریدونو کې ۱۸ امنیتي سرتېري وژل شوي دي او ۶ سرتېري یې له ځانه سره وړي دي.

د ولایتي شورا غړي عبدالله ناجي نظري سلام‌وطندار ته وویل، طالبانو د اوربند نه په ګټې اخیستو امنیتي ځواکونه غافلګیره کړي دي.

د جرم ولسوالۍ د محلي پولیسو قوماندان محمدرازق وايي، په دې نښته کې ۸ تنه طالبان وژل شوي دي. هغه وايي، د افغان امنیتي ځواکونو او طالبانو ترمنځ د شپې له ۲ بجو نښته پیل شوه او د سهار تر ۷ بجو یې دوام وکړ. زیاتوي، اوسمهال طالبان په شا شوي دي.

د ریپوټونو پربنسټ د حکومت له‌خوا طالبانو سره د یو اړخیز اوربند اعلانېدل او د امنیتي ځواکونو دفاعي حالت غوره کول؛ طالبانو ته فرصت ورکړی چې پر امنیتي ځواکونو بریدونه زیات کړي.

اصلي اړیکې: http://salamwatandar.com/Pashto/article.aspx?a=40343

د اصلي پاڼې خلاصول

سلام وطندار په اړه نور ولولئ

وروستي خبرونه:

Loading