بازتاب نیوز

د سبا د لوبې په اړه د افغان او هندي لوبډلمشرانو څرګندونې

٢٣ غبرګولی ١٣٩٧ د خامه پرس خبری آژانس

د افغانستان کرکټ لوبډلمشر اصغر ستانکزي وایي افغان لوبغاړي د هند په وړاندې د تاریخي ټیسټ لوبې لپاره بشپړ چمتوالی لري او ټینګار یې وکړ چې د سبا د لوبې په اړه افغان لوبډله هیڅ ناراحتي نه لري.

نوموړی په یوه خبرې ناسته کې د وینا پر مهال ومانه چې د افغان لوبډلې لپاره ټیسټ لوبه یوه نوې بڼه ده.

خو ستانکزي وایي، افغان لوبغاړي د سبا د لوبې لپاره بشپړ چمتوالی لري ځکه د لوبغاړو له دې وړاندې هم په څلور ورځنیو لوبو کې برخه اخیستي او په خپلو پلانونو کې یې بریاوې ترلاسه کړي دي.

ستانکزي وایي، افغان لوبډله به د سبا په لوبه کې هم د پخوا په څېر لوبه وکړي.

بلخوا د هند کرکټ لوبډلمشر اجنکیا رهاني وویل، چې هند ویاړ لري چې د افغانستان په لومړنی ټیسټ لوبه کې د افغانانو په وړاندې لوبه کوي.

نوموړی په همدې حال کې هندي لوبغاړو ته خبرداری ورکړ چې د افغانستان په وړاندې لوبه به یوه عادي لوبه نه وي.

ټاکل شوې ده چې د افغانستان او هند ترمنځ دغه تاریخي ټیسټ لوبه سبا د هند په بنګالورو ښار کې پیل شي.

اصلي اړیکې: https://www.khaama.com/pashto/archives/13615

د اصلي پاڼې خلاصول

د خامه پرس خبری آژانس په اړه نور ولولئ

وروستي خبرونه:

Loading