بازتاب نیوز

طالبانو ۱۳ زنداني عسکر خوشي کړي

٢٣ غبرګولی ١٣٩٧ د آريانا خبري آژانس

طالبانو په هلمند کې د ورسره زنداني عسکرو له ډلې ۱۳ تنه خوشي کړي دي.

طالب ویاند قاري یوسف احمدي وايي، دغه زندانیان يې د اختر د رارسېدو په مناسبت خوشي کړي دي.

هغه رسنیو ته په لېږلې خبرپاڼه کې د خوشي کړل شویو زندانیانو لنډ شهرت هم لېږلی دی.

د خبرپاڼې له مخې دې عسکرو ژمنه کړې چې بیا به د طالبانو پر ضد جګړه نه کوي او خپلو پخوانیو دندو ته به نه ور ګرځي.

«یادو بندویانو ژمنه وکړه چې نور به د دښمن لیکوته نه ورځي، اوس په حقائقو پوه شوي دي، دوی غولیدلي وو او نور غواړي خپلو کورونیوته لاړ شي او نور د هغوی د غم او خفګان سبب ونه ګرځي.»

طالب مشر خپلو سرتېرو ته د اختر په دریو ورځو کې د اوربند په تړاو هم امر کړی، چې هغه ورسره زندانیان دې خوشي کړي چې بیا د خپل ولس پر ضد د وسلې اخیستو نیت نه لري.

په خپاره شوي حکم کې داهم ویل شوي و، چې د نورو زندانیانو لپاره اسانتیاوې او له کورنیو سره دې يې د ملاقات زمینه مساعده کړي.

د طالبانو له لوري د دې اقدام پراخ هرکلی شوی او افغان ولس پر حکومت هم غږ کړی، چې ورته ګامونه دې پورته کړي او اختر کې د اوربند په مناسبت دې ځینې طالب زندانیان خوشي کړي.

اصلي اړیکې: https://ariananews.co/ps/afghanistan/%D8%B7%D8%A7%D9%84%D8%A8%D8%A7%D9%86%D9%88-%DB%B1%DB%B3-%D8%B2%D9%86%D8%AF%D8%A7%D9%86%D9%8A-%D8%B9%D8%B3%DA%A9%D8%B1-%D8%AE%D9%88%D8%B4%D9%8A-%DA%A9%DA%93%D9%8A/

د اصلي پاڼې خلاصول

د آريانا خبري آژانس په اړه نور ولولئ

وروستي خبرونه:

Loading