بازتاب نیوز

د افغانستان او هند ترمنځ د تاریخي ټیسټ لوبې په مناسبت کې د هند لومړی وزیر پیغام

٢٣ غبرګولی ١٣٩٧ د خامه پرس خبری آژانس

د هند لومړی وزیر نرندرا مودي د یو بیان په نشرولو سره د افغانستان او هند کرکټ لوبډلو ترمنځ ټیسټ لوبه یوه تاریخي ورځ بللی دی.

ښاغلي مودي وایي، هند ویاړ لري او خوشحاله ده چې د افغانستان کرکټ ملي لوبډله د خپل لومړنی او تاریخي ټیسټ لوبې لپاره د هند کرکټ ملي لوبډله غوره کړی دی.

هغه زیاته کړه، چې د افغانستان کرکټ ملي لوبډله په ډیر کم وخت کې یې ډیرې لاسته راوړنې لرلې او د خپلو هلو ځلو په ترڅ کې یې تېرکال د کرکټ نړیوالې شورا بشپړ غړتیوب ترلاسه کړه.

د هند لومړی وزیر وایي، د افغانستان کرکټ ملي لوبډله په لومړی ځل په ۲۰۰۱ زږدیز کال کې یې د کرکټ نړیوالې شورا غړیتوب ترلاسه کړه او په ۲۰۱۷ کال کې یې وتوانید چې د یاد سازمان بشپړ غړیتوب ترلاسه کړي.

ښاغلي مودي وایي، له ستونزو او ننګونو سره سم افغان لوبډله په بېلا بېلو لوبو کې یې د نړی د وتلو لوبډلو په وړاندې ډیر ښه ځلیدلي دي.

مودي وایي، کرکټ لوبه په افغانستان کې د خلکو ترمنځ د یووالي رامنځته کولو لپاره یو له مهمو عواملو ګڼل کېږي او هند ویاړ لري چې د یو با ثباته او سوکاله افغانستان لپاره د افغانانو ترڅنګ ولاړ دی.

د هند لومړی وزیر وایي، هند ویاړ لري چې د دهلي په نویډا او په دهرادون کې د افغان کرکټ ملي لوبډلې کوربه توب کوي.

ټاکل شوې چې د افغانستان او هند ترمنځ لومړی ټیسټ لوبه سبا پنچشبه د هند په بنګلارو ښار کې یې ترسره شي.

اصلي اړیکې: https://www.khaama.com/pashto/archives/13618

د اصلي پاڼې خلاصول

د خامه پرس خبری آژانس په اړه نور ولولئ

وروستي خبرونه:

Loading