بازتاب نیوز

د ملګرو ملتونو عمومي منشي راتلونکې اوونۍ روسیې ته ځي

٢٤ غبرګولی ١٣٩٧ دازادې اروپا راډیو

د ملګرو ملتونو عمومي منشي انتونیو ګوترش راتلونکې اوونۍ روسیې ته ځي.

ټاکل شوې ده چې نوموړی به د روسیې له ولسمشر ولادیمیر پوتین سره وګوري او دغلته به د فوټبال د نړیوال جام یوه سیالي هم ننداره کړي.

د ملګرو ملتونو ویاند دوجاریک د سې شنبې په ورځ وویل، د ملګرو ملتونو عمومي منشي به د جون په ۲۰مه او ۲۱مه په روسیه کې وي، دغلته به د روسیې له ولسمشر پوتین، بهرنیو چارو له وزیر لاوروف او د روسیې د ارتودکس کلیسا له مشر سره کتنې ولري.

د پورتګال دا پخوانی صدراعظم به روسیې ته د دې دوه ورځني سفر په ترڅ کې په مسکو کې په یوه څېړنیز مرکز کې وینا هم وکړي او په هغو مراسمو کې به ګډون وکړي چې په روسیه کې د ملګرو ملتونو د حضور د ۷۰مې کلیزې په مناسبت جوړېږي.

د ملګرو ملتونو د ویاند په وینا، د دې سازمان عمومي منشي به د مسکو په لوژنیکي سټوډیوم کې د پورتګال او مراکش ترمنځ د فوټبال د یوې لوبې ننداره هم وکړي.

روسیې ته پر لاره، د ملګرو ملتونو عمومي منشي فنلنډ او ناروې ته هم ورځي.

په زړه پورې منځ‌پانګه

ډېر لیدل شوي مطالب

۱

څېرې - دا ځل له ندیمي سره خبرې

۲

د نړۍ تر ټولو زړه ښځه، په چچنيا کې ده

۳

په فراه کې د امریکايي ځواکونو د حملې وېډيو

۴

د دې وېډیو په غږ کې څه اورئ؟

۵

په فراه ښار کې څه تیریږي

۶

وړانګه لوڼۍ څوک ده؟

۷

ازادي سټوډیو - د نړۍ مهم خبرونه

۸

ازادي سټوډیو - د نړۍ مهم خبرونه

۹

ازادي سټوډیو - د نړۍ مهم خبرونه

۱۰

د افغانستان ولسمشر د اوربند اعلان وکړ

اصلي اړیکې: https://pa.azadiradio.com/a/29287734.html

د اصلي پاڼې خلاصول

دازادې اروپا راډیو په اړه نور ولولئ

وروستي خبرونه:

Loading