بازتاب نیوز

عبدالله د افغانستان او هند ترمنځ په تاریخي ټیسټ لوبه کې د ګډون لپاره بنګلور ته تللی

٢٤ غبرګولی ١٣٩٧ د خامه پرس خبری آژانس

د ملي یووالي حکومت اجرائیه رئیس عبدالله عبدالله د افغانستان او هند کرکټ لوبډلو ترمنځ د تاریخي ټیسټ لوبې په خاطر بنګلورو ښار ته تللی.

ښاغلي عبدالله د افغانستان د لومړنی ټیسټ لوبې په خاطر د افغان لوبډلې د کوربه توب په خاطر د هند له کرکټ بورډ څخه مننه وکړه.

اجرائیه رئیس عبدالله په لومړنی ټیسټ لوبه کې د افغانستان کرکټ ملي لوبډلې ګډون یوه تاریخي ورځ وباله.

دا په داسې حال کې ده چې د هند لومړی وزیر نرندرا مودي وړمه شپه د یو بیان نشرولو سره وویل، چې هند ویاړ لري چې د افغانستان کرکټ ملي لوبډله د خپل لومړنی او تاریخي ټیسټ لوبې لپاره د هند کرکټ ملي لوبډله غوره کړی دی.

هغه زیاته کړه، چې د افغانستان کرکټ ملي لوبډله په ډیر کم وخت کې یې ډیرې لاسته راوړنې لرلې او د خپلو هلو ځلو په ترڅ کې یې تېرکال د کرکټ نړیوالې شورا بشپړ غړتیوب ترلاسه کړه.

ښاغلي مودي وایي، له ستونزو او ننګونو سره سم افغان لوبډله په بېلا بېلو لوبو کې یې د نړی د وتلو لوبډلو په وړاندې ډیر ښه ځلیدلي دي.

مودي وایي، کرکټ لوبه په افغانستان کې د خلکو ترمنځ د یووالي رامنځته کولو لپاره یو له مهمو عواملو ګڼل کېږي او هند ویاړ لري چې د یو با ثباته او سوکاله افغانستان لپاره د افغانانو ترڅنګ ولاړ دی.

اصلي اړیکې: https://www.khaama.com/pashto/archives/13627

د اصلي پاڼې خلاصول

د خامه پرس خبری آژانس په اړه نور ولولئ

وروستي خبرونه:

Loading