بازتاب نیوز

ننګرهار کې د خپلمنځیو اختلافاتو له امله ۵ کسان وژل شوي، ۳ نور ټپیان دي

٢٤ غبرګولی ١٣٩٧ د خامه پرس خبری آژانس

د ننګرهار ولایت د خوږیاڼو ولسوالی په مربوطاتو کې د خپلمنځیو اختلافاتو له امله لږ تر لږه ۵ کسان خپل ژون له لاسه ورکړی او درې نور ټپينا دي.

د ننګرهار ولایت مقام د یو بیان په نشرولو سره ویلي، چې د خپل منځي اختلافاتو له امله د یوې میرمنې په ګډون ۴ تنه ووژل شول او درې نور ټپیان شول .

خبرپاڼه زیاتوي، چې د ننګرهار ولایت د خوږیاڼو ولسوالۍ د وزیرو په عزیز خیلو سیمه کې نن ماښام له روژه ماتې وروسته یو تن د خپل تره زامنو د کورنۍ د یوې میرنې په ګډون درې غړي په ډزو سره شهیدان او د یوې نجلۍ په ګډون یې درې نور ټپیان کړي دي .

د ولایت مقام په وینا، یاد کس چې د خپل تره زامنو د کورنۍ یادو غړو ته یې د خپل منځي اختلافاتو له امله مرګ ژوبله اړولې وه،هم د یادې کورنۍ د یو تن بل غړي له لورې په ډزو سره وژل شوی دی .

په خبرپاڼه کې راغلي دي، چې د یادې پېښې درې تنه ټپیان چې یوه په کې ماشومه نجلۍ هم ده،د سختو ټپونو له امله د جلال اباد حوزوي روغتون ته را لیږدول شوي دي .

اصلي اړیکې: https://www.khaama.com/pashto/archives/13630

د اصلي پاڼې خلاصول

د خامه پرس خبری آژانس په اړه نور ولولئ

وروستي خبرونه:

Loading