بازتاب نیوز

د غزني په مالستان کې ماین چاودنې د یوې کورنې ۵ غړي ووژل

٢٤ غبرګولی ١٣٩٧ آریانا نیوز

سیمه ییزو چارواکو ویلي، چې د غزني ولایت د مالستان ولسوالۍ په یوه کور کې ماین چاودنې د یوې کورنۍ ۵ غړي وژلي دي.  

د غزني ولایت د مالستان ولسوال ضامن علي هدایت د پېښې پخلی کوي او وایي، چې دغې چاودنې دوه نرینه او درې میرمنې وژلي دي.

د نوموړي د څرګندونو له مخې؛ تر دې دمه څرګنده شوې نده، چې د کورنۍ مشر دغه ماین د کومې موخې لپاره راوړی و او یا دا، چې کوم بل ځای ته یې لیږداوه او دغه چاودنه رامنځته شوې ده.

هغه زیاته کړې؛ دغه پېښه تېر مازیګر د دې ولسوالۍ په جاکه سیمه کې رامنځته شوې، چې د خپلې بڼې یوه بې سارې چاودنه وه.

اصلي اړیکې: https://ariananews.af/o-oouu-38/?lang=ps

د اصلي پاڼې خلاصول

آریانا نیوز په اړه نور ولولئ

وروستي خبرونه:

Loading