بازتاب نیوز

د اوربند ۳ مه ورځ؛ سرپل کې ۴ امنیتي ځواکونه وژل شوي

٢٤ غبرګولی ١٣٩٧ طلوع نیوز

د طالبانو په وړاندې د حکومت د اوربند درېیمه ورځ، خو د هېواد په بېلابېلو برخو کې د دولتي ځواکونو او طالبانو ترمنځ نښتې د تېر په څېر دوام لري.

په وروستۍ پېښه کې، د سرپل ولایت ځايي چارواکي وايي چې په دغه ولایت کې د طالبانو او دولتي ځواکونو ترمنځ نښته کې، د ملي پوځ ۴ سرتېري وژل شوي او درې تنه نور یې، ټپيان شوي دي.

د سرپل د والي ویاند ذبیح‎الله اماني وايي چې دغه نښته د سرپل ولایت مرکز بلغلي کلي کې رامنځته شوې او څه باندې پنځه ساعته یې دوام وکړ.

هغه وویل چې په دغې نښته کې اوه طالبان هم وژل شوي او ۹ تنه نور یې ټپيان دي.

طالب ډله چې ټاکل شوې له سبا اوربند پيل کړي، تراوسه یې د سرپل ولایت په اړه څه نه دي ویلي.

اصلي اړیکې: https://www.tolonews.com/pa/afghanistan/%D8%AF-%D8%A7%D9%88%D8%B1%D8%A8%D9%86%D8%AF-%DB%B3-%D9%85%D9%87-%D9%88%D8%B1%DA%81%D8%9B-%D8%B3%D8%B1%D9%BE%D9%84-%DA%A9%DB%90-%DB%B4-%D8%A7%D9%85%D9%86%DB%8C%D8%AA%D9%8A-%DA%81%D9%88%D8%A7%DA%A9%D9%88%D9%86%D9%87-%D9%88%DA%98%D9%84-%D8%B4%D9%88%D9%8A

د اصلي پاڼې خلاصول

طلوع نیوز په اړه نور ولولئ

وروستي خبرونه:

Loading