بازتاب نیوز

غزني کې د طالبانو ۴ مشرتابه غړي د ملي پوځ دبرید په ترځ کې وژل شوي

٢١ چنګاښ ١٣٩٧ طلوع نیوز

ملي دفاع وزارت وايي چې د ملي پوځ هوايي ځواکونو، په غزني کې د طالبانو د لوړپوړو چارواکو یوه غونډه په نښه کړه چې په پایله کې یې د امیرخان متقي په ګډون د دغې ډلې څو تنه مشرتابه غړي ټپيان شوي دي.

د دغه وزارت په یوې خبرپاڼه کې راغلي دي چې دغه برید د غزني ولایت د ناوې ولسوالۍ په لنګای کلي کې د طالبانو د دغو غړو پر غونډه شوی دی.

دفاع وزارت ویلي دي چې د طالبانو پخوانی وزیر ملا امیرخان متقي، ملا خلیفه او ملا شاه محمد د کوټې شورا غړي، د غزني لپاره د طالبانو تش په نامه والي ملا یوسف، او د پکتیا لپاره د طالبانو تش په نامه والي ملا سید الماس په دغې غونډه کې حضور درلود.

دغه وزارت ادعا کړې چې په دغه برید کې د طالبانو ۲۴ غړي وژل شوي او ۱۷ تنه نور یې ټپیان دي چې د لومړنیو رپوټونو پر بنسټ، ملا امیرخان متقي، ملاخلیفه، ملا شاه محمد او ملا یوسف په ټپيان کې شامل دي.

خو طالبانو د دې ادعا پخلی نه دی کړئ.

اصلي اړیکې: https://www.tolonews.com/index.php/pa/afghanistan/%D8%BA%D8%B2%D9%86%D9%8A-%DA%A9%DB%90-%D8%AF-%D8%B7%D8%A7%D9%84%D8%A8%D8%A7%D9%86%D9%88-%DB%B4-%D9%85%D8%B4%D8%B1%D8%AA%D8%A7%D8%A8%D9%87-%D8%BA%DA%93%D9%8A-%D8%AF-%D9%85%D9%84%D9%8A-%D9%BE%D9%88%DA%81-%D9%BE%D9%87-%D8%A8%D8%B1%DB%8C%D8%AF-%DA%A9%DB%90-%D9%88%DA%98%D9%84-%D8%B4%D9%88%D9%8A

د اصلي پاڼې خلاصول

طلوع نیوز په اړه نور ولولئ

وروستي خبرونه:

Loading