بازتاب نیوز

"کاپيسا کې يوه زده کوونکي ازموينه کې د ستونزو له امله ځانوژنه کړې"

٢٢ سرطان ١٣٩٧ آژانس خبری پژواک

محمود راقى (پژواک، ٢٢ چنګاښ ٩٧): ځينې سرچينې د کاپيسا په دويم کوهستان ولسوالۍ کې په سهوې سره د يو زده کوونکي له وژل کېدو خبر ورکوي، خو ځينې وايي چې هغه په ازموينه کې د ستونزو له امله ځانوژنه کړې ده.

د دویم کوهستان ولسوال نوراغا هوشمند پژواک خبري اژانس ته وویل چې وژل شوى ماشوم فريدون نوميده، د قلعه نو ښوونځي د شپږم ټولګي زده کوونکى و او په خپله سيمه "کاريزي" کې نن وژل شوى دى.

د هغه په وينا، پوليسو په دې اړه پلټنې پيل کړي دي.  

د فريدون د کورنۍ غړيو ويلي چې فريدون په سهوې سره د چره ييز ټوپک په ډز وژل شوى دى.

خو د سيمې يو تن اوسېدونکى شفیق د جزيياتو له ورکولو پرته وايي، چې فريدون په ښوونځي کې سيالي لرله او په ازموينه کې د ستونزو له امله يې ځانوژنه کړې ده.

لینک اصلی: https://www.pajhwok.com/en/node/519310

بازکردن لینک اصلی

بیشتر بخوانید از آژانس خبری پژواک

آخرین خبر ها:

Loading