بازتاب نیوز

پکتیا کې د طالبانو سرې قطعې وسله والو او پولیسو ته درنه مرګ ژوبله اوښتې

٢٢ چنګاښ ١٣٩٧ د خامه پرس خبری آژانس

په پکتیا ولایت کې چارواکي وایي پر احمد اباد ولسوالی د طالبانو د سرې قطعې وسله والو ډلییز برید په غبرګون کې افغان امنیتي ځواکونو هوایي او ځمکنی بریدونه ترسره کړي چې په ترڅ کې لږ تر لږه ۵۵ وسله وال وژل شوي.

د پکتیا ولایت مقام پرون ماسپښین په یوه بیان کې ویلي و چې د لومړنيو مالوماتو له مخې د احمد ابا ولسوالۍ په څپړۍ او بر مچلغو سيمو کې د افغان ځواکونو سره د نښتې او هوايي بريدونو په پایله کې ۵۵ تنه وسله وال طالبان وژل شوي دي، او ګڼ شمېر نور ټپیان دي.

خبرپاڼه زیاتويو چې په وژل شویو کې د وسله طالبانو د سرې قطعې ګڼ جنګیالي او لوړ پوړي قومندانان هم شامل دي. د هوايي بريدونو او کومکي ځواکونو له رسېدو وروسته وسله وال طالبان د ځايي خلکو په کورنو کې پټ شوي او ملکي وګړي د سپر په توګه کاروي. په دغو بريدونو کې د مخالفينو ګڼ شمېر مهمات، سپکې او درنې وسلې او نقليه وسایط هم له منځه تللي دي.

په همدې حال کې د پکتیا د امنیې قوماندانی ویاند سردار ولي تبسم وایي د نښتې په ترڅ کې ۴ پولیس سرتېري هم خپل ژوند له لاسه ورکړي او ۷ نور ټپيان دي.

اصلي اړیکې: https://www.khaama.com/pashto/archives/14371

د اصلي پاڼې خلاصول

د خامه پرس خبری آژانس په اړه نور ولولئ

وروستي خبرونه:

Loading