بازتاب نیوز

دناټو سرمشریزې دویمه ورځ؛ ټرمپ وايي دافغانستان جګړه کې پرمختګ شوی

٢٢ چنګاښ ١٣٩٧ طلوع نیوز

د امریکا ولسمشر ډونلډ ټرمپ د افغانستان په جګړه کې د لاسته راوړنو او پرمختګونو خبره کوي.

هغه د ناټو د سرمشریزې غونډې په دویمه ورځ د افغانستان په جګړه کې د ناټو د هڅو ستاینه کوي او وايي په افغانستان کې یو لړ پرمختګونه شوي دي.

ښاغلي ټرمپ وویل چې د دغې ناستې په پای کې به د افغانستان له ولسمشر اشرف غني سره هم وګوري.

د امریکا ولسمشر ډونلډ ټرمپ زیاته کړه:« په افغانستان کې جګړه له ډېرې مودې راهیسې روانه ده، موږ ډېر پرمختګونه لرلي دي، زه د دې ناستې په پای کې له ولسمشر غني سره چې په دې ځای کې دی خبرې اترې وکړم.»

بل خوا د ناټو عمومي منشي ینس سټولټنبرګ وایي، د نړۍ امنیت لپاره اړتیا ده چې افغانستان له ترهګرۍ پاک شي.

هغه همدارنګه د اوږدې مودې لپاره له افغان ځواکونو ملاتړ مهم بولي.

ښاغلي سټولټنبرګ څرګنده کړه:« موږ ټول په افغانستان کې اوږدمهاله امنیت او ثبات ته ژمن یوو، ځکه له نړیوالو ترهګرو پرته افغانستان زموږ د امنیت لپاره هم ګټور دی، موږ نن د ننګونو او له افغانستانه د دوامداره ملاتړ په اړه خبرې کوو، زموږ د ۴۱ متحدو هېوادونو په زرګونه پوځیان په ټول هېواد کې د افغان ځواکونو د روزنې ماموریت ترسره کوي او افغان پوځیان په پیاوړې توګه عمل کوي.»

د ناټو مشرانو د پنجشنبې په ورځ ژمنه وکړه چې تر ۲۰۲۴ کال پورې به له افغان ځواکونو سره خپلو مالي مرستو ته دوام ورکړي.

اصلي اړیکې: https://www.tolonews.com/index.php/pa/afghanistan/%D8%AF%D9%86%D8%A7%D9%BC%D9%88-%D8%B3%D8%B1%D9%85%D8%B4%D8%B1%DB%8C%D8%B2%DB%90-%D8%AF%D9%88%DB%8C%D9%85%D9%87-%D9%88%D8%B1%DA%81%D8%9B%C2%A0%D9%BC%D8%B1%D9%85%D9%BE-%D9%88%D8%A7%D9%8A%D9%8A-%D8%AF%D8%A7%D9%81%D8%BA%D8%A7%D9%86%D8%B3%D8%AA%D8%A7%D9%86-%D8%AC%DA%AB%DA%93%D9%87-%DA%A9%DB%90-%D9%BE%D8%B1%D9%85%D8%AE%D8%AA%DA%AB-%D8%B4%D9%88%DB%8C

د اصلي پاڼې خلاصول

طلوع نیوز په اړه نور ولولئ

وروستي خبرونه:

Loading