بازتاب نیوز

د فلسطین د فوټبال ملي لوبډلې تکل کړی چې افغانستان ته راشي

٢٥ چنګاښ ١٣٩٧ طلوع نیوز

د هېواد د فوټبال فډراسیون چارواکي وايي چې ټاکل شوې ده د فلسطین د فوټبال ملي لوبډله د افغانستان د فوټبال له ملي لوبډلې سره د یوې دوستانه لوبې لپاره کابل ته راشي.

همدارنګه ټاګل شوې ده چې دغه لوبه د افغانستان د خپلواکۍ په ورځ د دواړو هېوادونو د ملي لوبډولو ترمنځ ترسره شي.

 د هېواد د فوټبال ملي لوبډله به په کابل کې د زمري په ۲۸ چې د افغانستان د خپلواکۍ ورځ ده، د یوه دوستانه لوبې په ترڅ کې د فلسطین د فوټبال د ملي لوبډلې په وړاندې ولوبېږي.

د هېواد د فوټبال فډراسیون د سیالیو ترسره کولو مسوول سیدعلي کاظمي په دې اړه وویل:«له دې لوبې سره به موږ د فوټبال نړیوالې شورا ته به وښيو چې موږ کولای شو ښه کوربه واوسو، ترڅو هغوی موږ د هغو پنځو هېوادونو له نوملړ څخه بهر کړي چې نه شي کولای له سیالیو کوربتوب وکړي. دا د تخنیکي پلوه هم افغانستان ته ډېره مهمه ده ځکه چې فلسطین د فوټبال د نړیوالې شورا په نوملړ کې له افغانستان څخه مخکې دی.»

دا په داسې حال کې ده چې د هېواد د فوټبال ملي لوبډلې په ۲۰۱۳ زیږدیز کال کې ۳ پر صفره له پاکستانه دوستانه لوبه ګټلې وه.

ټاکل شوې ده چې افغان ملي لوبډله به د فلسطین لوبډلې په وړاندې له دوستانه لوبې وروسته د تلې په ۱۷ مه په میانمار کې د دغه هېواد د ملي لوبډلې په وړاندې خپل بخت وازمایي.

اصلي اړیکې: https://www.tolonews.com/index.php/pa/sport/%D8%AF-%D9%81%D9%84%D8%B3%D8%B7%DB%8C%D9%86-%D8%AF-%D9%81%D9%88%D9%BC%D8%A8%D8%A7%D9%84-%D9%85%D9%84%D9%8A-%D9%84%D9%88%D8%A8%DA%89%D9%84%DB%90-%D8%AA%DA%A9%D9%84-%DA%A9%DA%93%DB%8C-%DA%86%DB%90%C2%A0%D8%A7%D9%81%D8%BA%D8%A7%D9%86%D8%B3%D8%AA%D8%A7%D9%86-%D8%AA%D9%87-%D8%B1%D8%A7%D8%B4%D9%8A

د اصلي پاڼې خلاصول

طلوع نیوز په اړه نور ولولئ

وروستي خبرونه:

Loading