بازتاب نیوز

دافغانستان د انتخاباتو خپلواک کمېسون: په یوشمېر شمالي ولایتونوکې د سیاسي ناکراريو د زیاتېدو له امله شدیده اندېښنه لرو

٢٢ چنګاښ ١٣٩٧ دازادې اروپا راډیو

دافغانستان د انتخاباتو خپلواک کمېسون ویاند، سیدحفیظ الله هاشمي پرون جمعه ازادي راډیو ته وویل چې د شمال په څلورو ولایتونوکې یې دفترونه د اعتراضي مظاهرو له امله تړل شوي دي.

سیدحفیظ الله هاشمي:"مظاهرې او تحصن د خلکو قانوني حق دی، د قانون په چوکاټ کې ، ولسونه حق لري چې مظاهرې وکړي خو زموږ د دفتر بندول هېڅ ډول قانوني توجیه نه لري. موږ پر حکومت هم ږغ کوو چې زموږ د دفترونو امنیت ونیسي ځکه دا يې وظیفه ده او اجازه باید ورنه کړي چې دې انتخاباتي روند ته چې موږ يې اوس ، منځ ته رسېدلي یو ، زیان ورسېږي. "

په بلخ، فاریاب، سمنګان او ځیني نورو شمالي ولایتونوکې د فاریاب د قیصار ولسوالۍ د سرپرست امنیه قوماندان او د جنبش ګوند دغړي ، نظام الدین قیصاري یوشمېر پلویان له څو ورځو راهیسې د هغه د توقیف پر ضد مظاهرې کوي.

د قیصار ولسوالۍ د سرپرست امنیه قوماندان او د جنبش ګوند دغړي ، نظام الدین قیصاري یوشمېر پلویان له څو ورځو راهیسې د هغه د توقیف پر ضد مظاهرې کوي

په مزارشریف کې د انتخاباتود خپلواک کمېسون د سیمېزدفتر مشر، فضل احمد حیاتي د ازادي راډیو خبریال ته وویل چې دقیصاري پلویانو مظاهره چیانو يې پرون کارکونکو ته اجازه ورنه کړه چې خپلو دفترونو ته تګ - راتګ وکړي.

په مزارشریف کې یوشمېر مظاهره چیانو چې د ازادي راډیو د خبریال په وینا، د قیصاري د ازادۍ نارې یې وهلې، پرون د انتخاباتو د خپلواک کمېسون د دفتر دروازه وتړله.

په سمنګان، تخار او فاریاب کې هم تقریباً په ورته ډول، د انتخاباتودخپلواک کمېسون د دفتر دروازې تړل شوې دي.

د افغانستان د ملي دفاع وزارت تېره اونۍ ازادي راډیو ته وویل چې نظام الدین قیصاري له قانونه د سرغړونې او له خپله صلاحیته د ناوړه استفادې په تور نیول شوی او د څېړنو لپاره کابل ته بیول شوی دی.

د افغانستان دا نتخاباتو دخپلواک کمېسون ویاند ویلي چې د کمېسون د رهبرۍ پلاوی به نن بېړنۍ غونډه وکړي او په شمال کې د دې ادارې د دفترونو د تړل کېدو په اړه یو وار بیا خپل رسمي دريځ اعلان کړي.

په افغانستان کې د میزان په اته ویشتمه نېټه د ولسي جرګې او ولسوالیو شوراګانو انتخابات دي.

د انتخاباتو خپلواک کمېسون پرون په ټاکنوکې د خلکو د زیات ګډون لپاره په شلو ولایتونوکې د رایې ورکونکو د نومونو د ثبت بهیر یوه اونۍ تمدید کړ.

ستاسو نظر

تبصرې راوښيه

نورې تبصرې...

په زړه پورې منځ‌پانګه

ډېر لوستل شوي مطالب

۱

طالب چارواکی: هغه طالبان به سزا وویني چې له پوځیانو او چارواکو سره‌یې عکسونه اخیستي

۲

ډرامه؛ په هوايي ډګر کې نا اشنا طیاره د چا وه؟

۳

افغان خاوره کې د پاکستان سوداګریزو موټرو لپاره د کابل شرط!

۴

د سولې ولسي حرکت وسله‌والو طالبانو ته درې ورځې وخت ټاکلی

۵

ایزدیار: د فاسدینو او زورواکو پر وړاندې مبارزه باید له توپیر پرته عملي شي

۶

عرفان‌الله عرفان: د حامد کرزي وروستۍ څرګندونې د هغه د شخصي عقدو نتیجه ده

۷

هند له افغان سفیر سره نوې ژمنې وکړې

۸

کابل امنیه قومانداني: د اوربند په اساس يو شمېر طالبان کابل ښار ته داخل شوي

۹

پاکستاني طالبانو د خپل منځي اختلافاتو له امله د خپل نوي مشر ټاکنه ځنډولې

۱۰

لغمان کې د ولسمشر غني د ځانګړي ګارد له‌خوا وژل شوې نجلۍ د کورنۍ سره مرسته وشوه

اصلي اړیکې: https://pa.azadiradio.com/a/afghanistan-election/29361928.html

د اصلي پاڼې خلاصول

دازادې اروپا راډیو په اړه نور ولولئ

وروستي خبرونه:

Loading