بازتاب نیوز

نوازشریف او لور یي بندخوني ته وليږدول شول

٢٣ چنګاښ ١٣٩٧ طلوع نیوز

د پاکستان پخوانی لومړی وزیر نواز شریف او لور یې مریم نواز د بند د مودې د تېرولو په موخه بندخونې ته ولیږدول شول.

یاد دوه کسان تېره ورځ له عربي متحده اماراتو څخه لاهور ته ورسیدل او له رسیدو سره سم د امنیتي ځواکونو ونیول. پاکستان کې محکمې نواز شریف پر لس او لور یې د اختلاس او مالي فساد په تور پر اووه کاله بند محکوم کړي دي.

نواز شریف په اسلام آباد کې ادیاله بندخونې ته ولیږدول شو او ویل کیږي چې لور یې د بند موده د امنیتي ځواکونو په یوې ویلا کې تېروي.

له دې سره، د نواز شریف پلویان بیا په لاهور کې له پولیسو سره ښکیل شول.

دا په داسې حال کې ده چې د نواز شریف زوم، محمدصفدر (یک‎شنبې د چنګاښ۱۷مه) د پاکستاني چارواکو لخوا ونیول شو.

د پا کستان فساد ضد ملي دفتر ویاند ویلي وه چې صفدر په خپله ځان سپارلی دی، نوموړی د جمعې پر ورځ راولپنډي کې له خپلو پلویانو سره په یوه غونډه کې وه.

دې دفتر همداراز له رسنیو غوښتنه کړې ده چې د صفدر خبرې په ژوندۍ بڼه خپرې نه کړي، ځکه چې د دې هېواد د رسنیو د مقراراتو خلاف دي.

د نواز شریف ګوند د عمران خان تحریک انصاف ګوند سره په سخته سیالی کې دی.

نواز شریف او لور یې پر دوی له تورونو انکار کړی او ویلي دي چې د فساد ضد ملي دفتر باید په خپله غوښتنه کې بیا کتنه وکړي.

شریف د خپل ځان محکومېدل، سیاسي انګېره بولي.

نواز شریف په ۲۰۱۷ زیږدیز کال کې د پاکستان عالي دیوان لخوا له سیاست څخه ګوښه شو او د هغه د زوی شرکت لخوا د لسو زرو د اماراتو درهمو په اړه د راپور نه ورکړې په اړه چې د زوی شرکت لخوا ورکول کېدې له سیاست څخه محروم شو. شریف د یاد معاش اخیستل رد کړي دي.

اصلي اړیکې: https://www.tolonews.com/pa/world/%D9%86%D9%88%D8%A7%D8%B2%D8%B4%D8%B1%DB%8C%D9%81-%D8%A7%D9%88-%D9%84%D9%88%D8%B1-%DB%8C%D9%8A-%D8%A8%D9%86%D8%AF%D8%AE%D9%88%D9%86%D9%8A-%D8%AA%D9%87-%D9%88%D9%84%D9%8A%DA%96%D8%AF%D9%88%D9%84-%D8%B4%D9%88%D9%84

د اصلي پاڼې خلاصول

طلوع نیوز په اړه نور ولولئ

وروستي خبرونه:

Loading