بازتاب نیوز

په فراه کې د ملي اردو ۱۵ سرتېری وژل شوي

٢٣ چنګاښ ١٣٩٧ د كليد ګروپ

وسله والو طالبانو په فراه كې د ملي اردو ۱۵ سرتېري وژلي دي.

د دغه ولايت د ولايتي شورا غړي دادالله قانع كليد ته وويل، طالبانو تېره شپه په بالابلوك ولسوالۍ كې د ملي اردو پر پوستې بريد كړى، پوسته سقوط شوې او د ملي اردو ۱۵ سرتېري وژل شوي دي.

نوموړي زياته كړه، يو شمېر نور امنيتي سرتېري ټپيان او ځينې لادركه هم دي.

د قانع په وينا، ياده امنيتي پوسته اوس هم د طالبانو په ولكه كې ده.

خو په فراه كې د ملي اردو وياند نورالحق خالقي وايي، طالبانو له بريد او امنيتي ځواكونو ته تر تلفاتو اړولو وروسته سيمه پرېښې ده.

د هغه په خبره، په جګړه كې دواړو لورو ته تلفات اوښتي، خو په اړه كره معلومات نه لري.

طالب وياند قاري يوسف احمدي په دغه بريد كې افغان ځواكونو ته د درنې مرګ ژوبلې اړولو ادعا كړې ده.

ده ويلي، ملګرو يې له پوستې وسلې او مهمات وړي دي.

د يادونې وړ ده، چې دوه شپې وړاندې هم د دولت وسله والو مخالفينو د فراه ښار پر پنځمې امنيتي حوزې د بريد په ترڅ كې شپږو پوليسو ته مرګ ژوبله اړولې وه.

 

The post په فراه کې د ملي اردو ۱۵ سرتېری وژل شوي appeared first on pashto.

اصلي اړیکې: http://tkg.af/pashto/2018/07/14/%D9%BE%D9%87-%D9%81%D8%B1%D8%A7%D9%87-%DA%A9%DB%90-%D8%AF-%D9%85%D9%84%D9%8A-%D8%A7%D8%B1%D8%AF%D9%88-%DB%B1%DB%B5-%D8%B3%D8%B1%D8%AA%DB%90%D8%B1%DB%8C-%D9%88%DA%98%D9%84-%D8%B4%D9%88%D9%8A/

د اصلي پاڼې خلاصول

د كليد ګروپ په اړه نور ولولئ

وروستي خبرونه:

Loading