بازتاب نیوز

د کابل – کندهار لويه لاره لا هم تړلې ده

٢١ زمری ١٣٩٧ د كليد ګروپ

د كابل – كندهار لويه لار نن هم د وسله والو طالبانو له لوري د ټرافيكو پرمخ تړل شوې ده.

د ميدان وردګ د ولايتي شورا غړي وايي، طالبانو ياده لار د سيد اباد ولسوالۍ په شېرازي بابا سيمه كې تړلې ده.

د كابل – كندهار لويه لار په غزني کې د طالبانو له ډله ييزو بريدونو وروسته تړل شوې ده.

طالبانو د تېرې جمعې په شپه پر غزني ښار بريدونه پيل کړل، د مخابراتي شبکو فعاليتونه يې پرې کړل او ټولې لارې يې د ټرافيکو پرمخ وتړلې.

نن درېيمه ورځ ده، چې په غزني ښار کې د طالبانو او افغان ځواکونو ترمنځ جګړه روانه ده، خو دا چې اړيکې نه ټينګېږي، نو لا هم د جګړې په اړه پوره جزيات نه دي خپاره شوي.

د جګړې دواړه لوري يو بل ته د درنې مرګ ژوبلې اړولو ادعا كوي.

The post د کابل – کندهار لويه لاره لا هم تړلې ده appeared first on pashto.

اصلي اړیکې: http://tkg.af/pashto/2018/08/12/%D8%AF-%DA%A9%D8%A7%D8%A8%D9%84-%DA%A9%D9%86%D8%AF%D9%87%D8%A7%D8%B1-%D9%84%D9%88%D9%8A%D9%87-%D9%84%D8%A7%D8%B1%D9%87-%D9%84%D8%A7-%D9%87%D9%85-%D8%AA%DA%93%D9%84%DB%90-%D8%AF%D9%87/

د اصلي پاڼې خلاصول

د كليد ګروپ په اړه نور ولولئ

وروستي خبرونه:

Loading