بازتاب نیوز

فاریاب کې ۱۷ افغان سرتېرو ژوند له لاسه ورکړ

٢١ زمری ١٣٩٧ طلوع نیوز

یو شمېر سرچینو طلوع نیوز ته ویلي دي چې د فاریاب ولایت په غورماچ ولسوالۍ کې «چینايي» اډې کې د افغان ځواکونو او طالبانو ترمنځ نښتو کې ۱۷ افغان سرتېرو ژوند له لاسه ورکړی دی.

دا سرچينه زیاتوي چې دې نښتو کې ۲۵ افغان سرتېري ټپیان دي.

یو شمېر سرتېرې او افسران چې په دې اډه کې کلابند دي په ټلفوني اړیکه کې وايي چې طالبانو تېره ورځ(شنبې د زمري۲۰مه) سهار کابو لس بجې خپل بریدونه پیل کړل.

دا سرتېرې وايي چې طالبانو دا اډه کلابنده کړې، که مرستندویه ځواک ورته ونه رسیږي، نو نور سرتېرې به هم ژوند له لاسه ورکړي.

دوی وايي چې کابو له یوې میاشتې راهیسې د طالبانو په کلابندۍ کې وو.

دا په  داسې حال ده چې له درېیو ورځو راهیسې په غزني ولایت کې د افغان ځواکونو او طالب وسله ‎والو ترمنځ نښتې روانې دي. که څه چې حکومت وايي مرستندویه ځواک رسېدلی، خو داسې راپورونه شته چې لا هم طالبان په ښار کې پر نښتو بوخت دي او پوستې یې جوړې کړې دي.

اصلي اړیکې: https://www.tolonews.com/pa/afghanistan/%D9%81%D8%A7%D8%B1%DB%8C%D8%A7%D8%A8-%DA%A9%DB%90-%DB%B1%DB%B7-%D8%A7%D9%81%D8%BA%D8%A7%D9%86-%D8%B3%D8%B1%D8%AA%DB%90%D8%B1%D9%88-%DA%98%D9%88%D9%86%D8%AF-%D9%84%D9%87-%D9%84%D8%A7%D8%B3%D9%87-%D9%88%D8%B1%DA%A9%DA%93

د اصلي پاڼې خلاصول

طلوع نیوز په اړه نور ولولئ

وروستي خبرونه:

Loading