بازتاب نیوز

د ۳۰۰ میلیونو افغانیو په ارزښت د ۲۹ پروژو تړونونه

٢١ زمری ١٣٩٧ سلام وطندار

د کلیو پراختیا او بیارغونې وزیر مجیب‌الرحمان کریمي د ولایتونو پراختیايي شوراګانو او یو شمېر خصوصي شرکتونو سره د څه باندې ۳۰۰ میلیونو افغانیو په ارزښت د ۲۹ پرمختیايي پروژو تړونونه لاسلیک کړل.

دغه پروژې به کونړ، هلمند، ننګرهار، پکتیا، پنجشېر، لغمان، سرپل، پروان، کندوز او غور ولایتونو کې پلې شي.

د ښاغلي کریمي په وینا، ټاکل شوې دغه پروژې له ۶ تر ۱۸ میاشتو پورې موده کې ګټې اخېستلو ته وسپارل شي او ترڅنګ به یې ۸۶ زرې کاري ورځې رامنځته شي.

دغو پروژو کې د کانالونه، د اوبو رسولو سربندونه، سړکونه، استنادي او محافظتي دېوالونو او ننګرهار کې د کلیو پراختیا او بیارغونې ریاست ودانۍ بیارغول شاملېږي.

د دغو پروژو د بودیجې لویه برخه د ماليې وزارت او ۶.۲ میلیونه افغانۍ یې د هندوستان له لوري ورکول کېږي.

د کلیو پراختیا او بیارغونې وزیر مجیب‌الرحمان کریمي وايي، د ۲۹ پروژو له ډلې ۲۵ یې داسې طرحه شوې‌دي چې ۱۰۰ سلنه بودیجه یې د سیمې خلکو له لوري ورکول کېږي.

د ښاغلي کریمي په وینا، د دې وزارت د ساحوي انسجام پروګرامونو دفتر، تېرو دوو کلونو کې د ۵ میلیاردو او ۷۳۰ میلیونو افغانیو په ارزښت د ۱۰۹۶ پروژو قراردادونه لاسلیک کړي‌دي.

اصلي اړیکې: http://salamwatandar.com/Pashto/article.aspx?a=41686

د اصلي پاڼې خلاصول

سلام وطندار په اړه نور ولولئ

وروستي خبرونه:

Loading