بازتاب نیوز

سپایس‎جېټ هوايي شرکت کابل ته د کارګو الوتنې پیلوي

٢٤ وږی ١٣٩٧ طلوع نیوز

هندي هوايي سپایس جېټ شرکت روانې اوونۍ کې اعلان وکړ چې د افغانستان سوداګریو او صنایو خونو سره د کابل ـ ډيلي ترمنځ د توکو لېږد رالېږد په اړه د راتلونکې تلې میاشتې له ۲۳مې ورهاخوا هوکړه کړې ده.

دې شرکت په یوې خبرپاڼې کې ویلي دي چې د سوداګریو او صنایعو خونو سره په همکارۍ کې هره میاشت ۱۵ ټنه توکي وليږدوي.

خبرپاڼه کې راغلي دي:«سپایس جېټ د افغانستان سوداګریو اوصنایعو خونو سره په همکارۍ هره میاشت تازه، وچې مېوې، قالینې او نور توکي له کابل څخه د هند بېلابېلو برخو ته له رقابتي بیو سره لېږدوي چې د افغانستان حکومت لخوا په سب سایډی ورکړل کېږي.»

سپایس جېټ اعلان کړی دی چې دا لېږد رالېږد به د سپایس اکسپرس تر نامه لاندې پیل کړي.

خبرپاڼه کې راغلي دي:«سپایس اکسپرس چې د ۲۰۱۸ کال د سپټبر له اتلسمې په کار پیل کوي او د یوه بېل واحد په توګه به د سپایس جېت شرکت کار وي.»

دا شرکت وايي چې د کورنیو او نړیوالو لارو پوښښ په موخه یې کره پروګرام جوړ کړی دی او الوتنو موقعتونه به د ډيلي شمال، بنګلور، ګاواهټي، هانګ کانګ، کابل او امرتسر وي.

دا په داسې حال کې ده چې د افغانستان حکومت تېر کال له هند سره هوايي کږلیچ پرانیست.  

اصلي اړیکې: https://www.tolonews.com/pa/business/%D8%B3%D9%BE%D8%A7%DB%8C%D8%B3%E2%80%8E%D8%AC%DB%90%D9%BC-%D9%87%D9%88%D8%A7%D9%8A%D9%8A-%D8%B4%D8%B1%DA%A9%D8%AA-%DA%A9%D8%A7%D8%A8%D9%84-%D8%AA%D9%87-%D8%AF-%DA%A9%D8%A7%D8%B1%DA%AB%D9%88-%D8%A7%D9%84%D9%88%D8%AA%D9%86%DB%90-%D9%BE%DB%8C%D9%84-%DA%A9%DA%93%DB%90

د اصلي پاڼې خلاصول

طلوع نیوز په اړه نور ولولئ

وروستي خبرونه:

Loading