بازتاب نیوز

د هند سوداګریز نندارتون کې ۴۰۰هوکړو او ۵تړونونه لاسلیک شول

٢٨ وږی ١٣٩٧ طلوع نیوز

د افغانستان ـ هند په نندارتون کې د افغانستان د خصوصي برخې او د بیلابیلو هېوادونو د پانګوالو څه باندې څلور سوه هوکړه لیکونه او کابو پنځه تړونونه وشول.

د مسوولانو په وینا په دې نندارتون کې په افغانستان کې د درمل جوړونې د یوې لویې کارخونې پر جوړیدو هم هوکړه وشوه.

د افغانستان او هند ګډ سوداګریز نندارتون کې له زرو زیاتو پانګه والو او دولتي چارواکو ګډون کړی و چې په ترڅ کې یې ګڼو شرکتونو د پېرو پلور سلګونه خپلمنځي تړونونه هم لاسلیک کړل.

کابل کې د امریکا متحده ایالاتونو د اقتصادي پراختیا مسوؤله لورن سټودارد څرګندوي:« د نندارتون دوه ورځو کې نږدې څلور سوه سوداګریزې هوکړه لیکونه وشول، د دغو سوداګریزو معاملاتو ارزښت ان یو سلوپنځوس ملیونه ډالر و.»

د دې نندارتون په دریمه ورځ د افغانستان، امریکا ګډې سوداګریزې خونې او د هند ګجرات د سوداګرۍ او صنایعو خونې تر منځ هم د اړیکو د پراختیا هوکړه وشوه.

ټاکل شوې چې د افغانستان او هند ګډ سوداګریز نندارتون په وروستۍ ورځ په ټیټه کچه هم سوداګریزه راکړه ورکړه خورا لوړه وي، ځکه دا نندارتون به په څلورمه ورځ د ټولو عامو هندیانو په مخ خلاص وي.

اصلي اړیکې: https://www.tolonews.com/pa/business/%D8%AF-%D9%87%D9%86%D8%AF-%D8%B3%D9%88%D8%AF%D8%A7%DA%AB%D8%B1%DB%8C%D8%B2-%D9%86%D9%86%D8%AF%D8%A7%D8%B1%D8%AA%D9%88%D9%86-%DA%A9%DB%90-%DB%B4%DB%B0%DB%B0%D9%87%D9%88%DA%A9%DA%93%D9%88-%D8%A7%D9%88-%DB%B5%D8%AA%DA%93%D9%88%D9%86%D9%88%D9%86%D9%87-%D9%84%D8%A7%D8%B3%D9%84%DB%8C%DA%A9-%D8%B4%D9%88%D9%84

د اصلي پاڼې خلاصول

طلوع نیوز په اړه نور ولولئ

وروستي خبرونه:

Loading